又一個星期了﹐每一日放工都有schedule﹐放工做得一樣就做唔到第二樣﹐好正常呀...
在剛過去的一星期﹐日日放工都有D攪作﹐星期一放工﹐因為漏在D o野係沙田﹐所以要特登番入去攞! 星期二去在睇腰骨醫生同埋奇妙姻典Rehearsal! 星期三約在一班舊同事食飯 + 派炸彈! 星期四去在做Facial同埋拎D姊妹裙俾姊妹們試! 星期五﹐兄弟姊妹Gathering! 雖然姊妹得三位代表﹐有一位仲係好夜先至收工﹐但總算完滿結束啦!!
下星期哩... 又來一堆schedule呀﹐weekend就留來搬屋了!
早兩天已經請好假﹐小妹會番埋21號﹐然後就直放﹐下年四號先至再係公司出現了﹐好似自出來做o野後﹐除在係屋企量地o既日子外﹐未試過放咁耐假....
仲有兩個星期... 係時候又揀一D相upload俾朋友們睇喇‧‧
哩輪都好忙... 明明好似唔應該有好多o野攪﹐但最後.... 係真係好多細節要小心哩....
都係果句啦.... 我Big Day日希望大家輕輕鬆鬆去Enjoy啦!
尋晚過在12點﹐到了每個月的26號﹐墨麵囍事Count Down 30日正式啟動﹐我乖乖地Upload在小小相上Facebook﹐算係俾小小相大家睇o下啦﹐其實大部份朋友都知﹐我點止映在一次Pre-Wedding﹐要錢、唔駛錢、自己亂映的夾埋都有成九次﹐但.... Show晒? 結婚後就可以Show晒俾大家睇o勒... 咪宜家Upload晒﹐大家睇到膩晒拱典算﹐攪到婚宴當晚大家寧願睇電視劇集咁就唔好啦.... 哈哈
其實如果駛用得宜﹐Facebook真係一個好好o既工具﹐Upload在之後大家用開Facebook的就會去睇下朋友有咩新Update﹐一些N年無見但Add在Facebook的朋友﹐一句句恭賀的說話我都非常感謝呀... 尋日放工時間仲要咁巧合撞見N年前舊公司的同事﹐連他都說『我o岩o岩睇在你D相咋...』
有朋友留言﹐叫我Big Day當日唔好感動到喊﹐其實哩... 我想講哩....買我Big Day會勁喊的盤已經熱爆到封在盤喇﹐哈哈....
餘下哩一個月真係要好好計算去處理有咩依然Outstanding﹐我明白... 無o野會100%完美﹐所以我明白各單位如有甩漏﹐而係可以接受o既範圍的程度﹐我係Ok的﹐所以會幫手o既朋友唔駛太緊張哩!! 
自從上星期o既一陣子忙亂後﹐一直都未停過﹐日日都處於繃緊中﹐放不下心....
星期二﹐終於向公司的飯腳公佈小妹結婚的消息﹐謝謝各飯腳的祝賀.... 但我只告訴了幾個﹐仲有一籮在後....
不知何解... 覺得事事不順心﹐不能控制﹐覺得好無奈... 仍然為那『爸媽的結婚週年』還是『我與油麵的婚宴』而耿耿於懷﹐我不管﹐我想請的﹐就請定了....
黎緊星期六﹐新窩就送沙發、床褥、鐵閘、窗簾﹐這一轉變﹐未來新居又向前踏進一大步。星期天﹐那要開始搬一些夏季衣服進去﹐否則.... 我沒位子放衣服呀.... 沒衣服穿了!!
希望媽媽能幫個忙﹐幫我減輕肩上的憂慮﹐雖然.... 這出現的機會不大。
外型沒什麼轉變﹐只是一條已經兩年穿不下的裙子終於重見天日了﹐幸好當日沒把它送走﹐原來... 某天我是可以重新再把它穿在身上。究竟... 我會不會在大婚那天瘦一點呢?? 究竟... 剩下來半個月Membership的Physical還會去嗎?! 這.... 是一個迷。
算唔算好呢?? 12月唔會太凍喎‧‧‧
好o既係... 唔駛驚各位姊妹凍僵了.... (我照樣會給你們買披肩的!!)
唔好o既係... 聖誕唔凍無Feel o架喎....
