暗暗心煩

頭先係屋企食飯﹐唔知點解無啦啦會講起﹐派帖時Confirm人數o既問題﹐媽媽又講多一次﹐佢唔想問D親戚每舍幾多人會黎。

 

 

我再次重申我o既角度﹐想好好安排﹐唔可以唔Confirm﹐佢又講一次﹐覺得無問題﹐唔駛Confirm﹐話阿邊個邊個地o既人數﹐『應該』唔會好大出入o既。

 

 

我然後又提佢﹐佢要Check下D由細玩到大o既堂(定表?!)兄弟姊妹﹐正式個名叫乜﹐無理由寫花名﹐佢話：『唉! 唔駛啦﹐到時就咁俾啦﹐名都唔駛寫啦。』我話：『咁一係我到時俾定支筆你﹐你派俾人o既時候問人乜名加上去啦?』佢話：『唔駛啦﹐阿邊個邊個張生日酒張帖夠無寫我地名啦。』

 

 

我聽到哩D我好唔開心呀﹐點解我身邊D人咁變態o架o即﹐可唔可以聽下我想點﹐可唔可以有禮貌D?! 可唔可以唔好咁求其﹐個婚禮我係主角呀﹐如果係可以咁求其o既﹐當初我話擺 Buffet 你就唔好咁X x Y ee 哦哦咁多o野講啦。同埋呀﹐你帖唔寫名﹐我D兄弟姊妹幫我係Reception mark來賓名﹐佢地點Mark呀?!?! 咁求其你唔好造完一件衫又話要再租衫啦。

 

 

我唔知我係咪病態喇﹐我o既選擇困難症越來越嚴重﹐麵都問我點解最近揀o野咁辛苦﹐成日要決定o野都咁 ee 哦哦﹐唉‧‧無法子啦﹐太多o野要選擇喇﹐除在個老公已經揀在之後﹐樣樣o野都要揀﹐好煩呀。