媽媽衫

我媽媽一向都係 In 爆媽媽﹐無人會話唔係﹐佢自己都話著衫 In 過我! (PS: 小墨媽呀小墨媽﹐咪玩啦﹐我著到你咁番工點得o架。)

 

 

所以找媽媽衫哩一環節比較麻煩﹐傳統果D﹐佢嫌老﹐新一代果D﹐佢唔鐘意勁西式o既款式﹐又唔鐘意深色﹐然後﹐有D人會租新娘衫俾媽媽﹐但... 我唔打算咁做﹐我鐘意媽媽著得有小小媽媽 Feel的。佢成日係屋企﹐問我有無『咁咁咁』款o既衫﹐我成日都話『無o架!!!! 邊有咁o既款o架!!!』尋日終於拎佢出去尖咀行下D舖頭。

 

 

先去紫水晶﹐佢睇來睇去﹐姐姐仔都介紹在D俾佢﹐咁佢試在一件﹐Ok! 但佢覺得仲可以睇睇﹐然後試在件豆豆地沙紅色的﹐佢唔多鐘意﹐成日都話自己唔夾果隻色。然後再行多在幾間﹐顯卓、Be Queen、華麗邂逅、Princess、In Wedding、有D連名都唔記得o既樓上舖都睇埋﹐唯獨係妝嫁有件金色閃的佢幾Ok﹐不過媽媽話貴﹐企係人地舖頭同Sales姐姐講價﹐Provided係未話真係租佢就講價﹐我都無佢咁好氣。

 

 

佢成日嫌人家無佢想要o既前短後長款﹐所以覺得老﹐好明顯就係市場唔興啦﹐無需求咪無供應囉﹐好簡單姐。但佢死心不息﹐間間都問﹐有一間走去介紹佢著拖尾﹐仲話好靚好興云云﹐佢又信到十足十喎﹐然後再入其他舖頭﹐連新娘鋼紗晚裝裙都唔放過﹐話唔落鋼咪得囉。 激死!!! 好彩Sales姐姐幫口﹐話哩D唔係媽媽著o架﹐媽媽著會好跨o架﹐佢先至放低。

 

 

後尾佢帶我去金都睇佢造果件衫﹐都Ok o既﹐不過原來佢無試過上身就俾錢造租﹐我的媽媽真夠勇!! 但我覺得果件唔多修身囉﹐不過佢無試過都超鐘意﹐無法子‧‧最後佢話係一租番妝嫁果件﹐但係都要我同人講價﹐減三百先肯租﹐仲話要跟披肩、同埋要Guarantee改到短先至租﹐如果唔係要回水喎﹐Oh 媽媽... 咪玩啦~~~ 揀到o岩款都好叻o架喇!!!