拆牆!!!

由初初o既細攪﹐到整整o下o既大攪﹐到宜家o既反轉黎攪﹐真係要經過多番心理關卡、同埋一輪o既左思右度﹐黎到哩度﹐應該都到最定案了。

 

 

今日晏小小﹐工程就展開喇﹐第一件事就係拆晒屋入面o既o野﹐阿部寬話應該要拆三日左右喎。另外﹐我地都confirm在幅廚房牆‧‧係拆得o既!! Yeah!!  雖然拆得﹐但我地唔係打算整開放式廚房﹐雖然開放式廚房夠 In﹐不過並唔係小墨跟油麵的Favourite﹐我地決定﹐將幅牆轉做玻璃!!!! Yeah~~~ 可以透光之餘﹐有人如果煮飯時仲可以邊煮邊睇電視﹐只係希望唔好掛住睇電視炒燶餸!!!!

 

 

巧合地﹐早兩日我地有拆牆哩個念頭o既隔一晚﹐某報有以下的裝修推介!!!

正正就係我地想整o既o野﹐真係天助我也呀~~~ Good Good Good Good~~

 

 

不過可能心理上最近開始感到壓力﹐在於每每在想揀咩電器去Fit 我地o既未來屋企時都非常頭痕!! 假設屋企媽媽要換冷氣機﹐都會花時間去研究有幾多個品牌可以選擇﹐邊個品牌耐用、好用、長壽命﹐我宜家係一次過屋入面o既所有o野都要做哩一個動作﹐以我番工有餘閒做哩D Comparison的人黎講﹐係非常可憐﹐因為一有時間就Check﹐一有時間就睇﹐睇得多、知得多﹐咁擔心o既o野就更多!! 反而每天忙到死o既人可能會舒服得多﹐因為佢地無咩時間做哩一樣o野的話﹐去到就買、唔會諗咁多﹐知少D﹐頭痕少D﹐但你叫我唔好check咩... 邊放心o架!!