此店大手筆

大手筆呀!

 

上星期去開德福二期﹐有下面哩個牌子o既Body Sculptor派!! 無聽錯!! 係派呀!!!

唔知我有無記錯哩﹐哩個牌子好似唔平o架。

 

 

本來我心諗拎乜鬼o丫拎﹐拎在番屋企得個擺字﹐最後可能會俾我掉在! 點知行多兩步﹐先至醒起我第二日就去按淋巴喎﹐o岩駛喎﹐所以即刻折返﹐同麵一人拎一包o勒。

 

 

後尾星期六去按淋巴﹐按摩師問我有無私家油﹐我就拎在哩兩支俾佢﹐佢話正o野喎!! 貴o野呀!! 我話係德福派﹐佢話間o野咁捨得派咁多。不過兩支份量都唔足夠按一次﹐都要加一D佢地o既油囉。佢話哩個牌子o既其中一隻產品﹐去水腫更勁﹐只消三滴就已經好夠按﹐不過... 要成千蚊一支‧‧‧嘩‧‧‧好貴呀‧‧‧不過如果真係咁勁﹐我都好想試下﹐哈哈‧‧

 

 

其中我哩兩次用果個按摩師幾好﹐按時都只係某D位會小痛﹐唔似得曾經係紅磡某間舖頭﹐按到痛到不得了﹐更有貼錢買難受之嫌‧‧同埋佢教我D理論都幾 Logic﹐仲可以幫我按埋面哩﹐我覺得幾有效喎﹐睇落去好似真係無咁腫﹐映相前必做o既事呀!! 去Facial店做機o既錢都可以慳番!!