星期一打去羅浮宮問幾時送貨﹐佢話我屋企果區通常星期五送﹐不過黎緊星期五schedule已滿﹐所以要下星期... 但明明相簿已造好﹐當然出盡法寶要求佢加單走多一家啦﹐最後成功﹐今晚送貨!
放工飛奔番屋企﹐去到屋企樓下就收到電話話司機係九龍灣過緊黎﹐黎到佢都幾好禮貌﹐仲拎D簿出黎同我對數然後才簽收。
一袋三件!
簽名布... 不過好細張... 同埋D字好細隻又唔靚﹐有D鬼鬼祟祟...
本相簿o既外殼就幾唔錯.... 或者話.... 我覺得幾Ok.....
其實對D相又無咩印象﹐一睇... 乜有揀過咩.... 點解會揀在哩張o既.... 噢.... 點解哩張又唔係好記得.... 睇番D相﹐都唔記得揀過D咩場景Lu....
明明唔鐘意果隻中毒馬....點解會揀o既....?!
明明麻麻地果個音樂盒﹐點解又會有幾張o既?!
哩一個係一個‧‧‧謎....
呀.... 又有相簿拎番屋企喇﹐等在好耐o既Voila Nouveau呀!!
其實映哩一輯﹐某程度上都因為Match Frame Delay在﹐眼見一個二個都有相睇喇﹐點解我改在咁多次都仲未映到Match Frame o架﹐當時見平平地﹐所以就Join在喇!
我地果日去在大埔海濱公園映﹐但由於拍攝時間只有大約四小時﹐其實就唔係好夠時間﹐我仲偷減D時間番去映Studio﹐所以... 其實我地行唔晒個公園的! 之後先知﹐原來我地無去水塔囉‧‧ 不過算啦‧‧
其實Voila Nouveau係由一Pair拖友組成的﹐化妝師阿石與攝影師Ankit﹐佢地兩個組成自己o既小天地﹐由理想然後再進化成佢地o既事業。
其實當日映完相已經可以即刻揀相﹐不過佢地超忙﹐所以都花了相當的時間等佢地執相；不過我都好老實的﹐佢地連好仔細的地方都執﹐哩樣真係唔係度度做到‧‧
除在加錢做了相簿﹐佢地都有送到一D散相呀~~
第一張﹐8" x 12"﹐又要買相架?!
第二張係 4" x 6"
仲有兩張2R哩‧‧
Added on Sep 19：相簿樣‧‧‧
話時話﹐佢地哩本o既質感、手感都好過Match Frame果本....
我最大期望o既Match Frame相簿﹐唉‧‧出事。
其實唔係今日先至出事﹐只係我今日先至得閒講‧‧
總共係四張相有問題﹐二張大相簿﹐二張細相簿!
大相簿﹐店方面話無得醫﹐如果我真係要求﹐唯有收我特價做過一本新的﹐而哩本... 唯有送俾媽媽做禮物喎... 特價?!? 你Offer果個唔係算好特價﹐因為佢地本相簿只可以放20張全頁﹐當日如果想做電腦相簿要加錢的﹐但我地覺得唔需要啦﹐所以即係只放在20張相﹐但同一個價錢﹐可以拎去星輝造8" x 12" 連設計相簿﹐入到起碼40張囉。細相簿﹐因為係Individual 咁貼落相簿度﹐所以可以幫我換在有問題o既相。
大家係咪非常好奇究竟D相發生咩問題呢?!?! 其實都係一D執漏o既問題﹐佢地有俾我睇過晒o既﹐不過... 有一張係我衰﹐我太信佢地﹐同佢地講有一樣o野執番先好出相﹐我唔再睇喇﹐點知叫佢地o既o野無做到! 而另一張﹐我當日睇修相時係有指出的﹐不過佢地話係我誤會在﹐話果個位係無問題的‧‧但... 造在大相簿之後就... 唉.... 出事了~~ 不過由於有機會本相簿會見人﹐我唔指出住喇﹐如果佢唔出過本相簿俾我﹐搏大家Big Day睇唔出嘛!!
宜家等緊佢地打番俾我本大相簿點算﹐做過本又無鬼謂、唔做咩﹐又攪到咁肉酸﹐俾人睇到就核突啦!! 激氣!!
Yeah Yeah Yeah‧‧尋日Jessica打電話俾我﹐話D相簿相架都 Ready喇﹐叫我隨時可以去接佢地番屋企。不過... 因為放工後有o野做﹐最後留到今晚先可以去接佢地哩。
不過我地將佢地阿爸(大相架)同孫(銀包相)漏晒係舖頭﹐因為大相架暫時屋企無地方擺﹐細o既.... 我都唔知點解佢話未得哩~~ 咁我好想接佢地番黎﹐唯有只接屋企擺得到o既相簿啦!
唉‧‧哩間衰鬼MF最唔明係佢地D相簿色同料咁鬼少選擇﹐無o野好揀之下﹐唯有揀黑色同灰色﹐而.... 佢地D相簿o既外殼係再有一個皮(膠?!)盒入住o既。
細相簿‧‧似唔似聖經?!
好o勒‧‧打開晒~~
再黎一張8" x 12"‧‧我唔加錢買架﹐打算自己出去買﹐有無人有推介8" x 12"靚靚相架??
另一張送架的‧‧
拎在番屋企﹐安樂了!
Yeah Yeah Yeah‧‧‧今朝Venus通知我﹐佢地已經加在一部份相去佢地網頁喇﹐不過今朝唔得閒睇﹐所以Lunch Hour先至睇!!!
俾住一D你地睇先o丫.... 我好鐘意哩~~~
好鐘意o丫... 好期待快D有得睇多D哩~~~
多謝Venus & Chris~~~
由今年二月開始﹐大大小小映過很多次Pre-Wedding﹐嚇死人嗎?!?! 不是吧?!?!
不過﹐有很多都是免費、小量超勁特價、同埋三輯正式的。
1. 二月：大埔理文府 + 火車博物館 - by Jim Ng (超平試玩價﹐對攝影師來說﹐其實車馬費都不夠)
2. 四月：九龍仔公園 - by 麵 (自家試玩)
3. 四月：青馬觀景臺 - by 麵 (自家試玩)
4. 五月：廸欣湖 - by Andrew Lo (免費、只請了他們飲汽水同埋搶付了他們泊車錢)
5. 五月：馬鞍山公園 - by 麵 (自家試玩)
6. 五月：大埔海濱公園 - Volia Nouveau (真正付錢但不算貴﹐不過到今天相還沒到手)
7. 五月：Studio、石澳、山頂 - Match Frame(正式果輯﹐映完後兩星期攝影師突然離職﹐還好對我們的相沒影響﹐修相睇了三次才罷手讓店拿去造相簿﹐預計八月尾、九月頭有相簿拿)
8. 七月：羅浮宮室內 - 聘珍Coupon Upgrade
9. 八月：大潭 + IFC - by Full Diary (免費)
仲有些想去未去的景點﹐如... 珀麗灣、HKU、CU的天人合一﹐不過... 小墨都頂唔順了﹐投降啦~~~ 除非到十月尾十一月我地未忙死同埋有免費拍﹐否則... 都係無緣的多了‧‧‧
尋日﹐二人又再出動﹐約了免費攝影師去拍照﹐自今日之後﹐我都要舉白旗投降了﹐真係!!! 真係!!! 真係!!! 真係!!! 超熱呀~~~~
今次地點係大潭水霸﹐如果大家識得由石澳去赤柱﹐中間車路會有條水霸的﹐無錯喇!! 就係果度喇!!!
氣勢很厲害呀! 我地好好彩﹐今天巧遇有流水﹐聞說﹐流水不常有﹐要水塘overload先至有機會﹐有很多人去到都只有圍牆一幅﹐乾乾的很像秋天。
水流下來後... 感覺很污糟‧‧
從這裡望出去﹐有一個小石灘。
到我地走到出去﹐係一個彎彎的石灘。
回望‧‧
然後﹐本來走近小溪‧‧想拍些鏡頭...
點知相都未映到﹐就有一家大小﹐去在我後方玩溪水﹐攪到我地映唔到‧‧
激死人啦~~~~
D人咁都有o既... 明明見我地都係剛到﹐幫下手﹐留小小時間俾我地映一兩個Shot先o丫‧‧行下第二個位先o丫嘛﹐佢地係完完全全係一開始就阻住晒我地囉。
然後出番去外邊那扮木橋的地方‧‧
終於來過大潭了﹐安樂了﹐知道哩度係點樣﹐好開心哩~~
然後晚上去IFC拍幾個Shot﹐那很多人都拍過Dancing in IFC的牆....
今日都盡興了‧‧好好玩﹐不過.... 就算想再映﹐唔到秋天都唔駛預我喇﹐我頂唔住喇~~~ 又熱又焗又Girdle又化妝﹐暈了... 
今日有另一個奇遇﹐早上開車去中環時﹐車子去到花園道時突然『卜』了一聲﹐正在懷疑是否爆胎﹐但又見車子正常在駛動﹐那快快手到中環目的地﹐泊好車﹐就下車檢查車子是不是爆胎﹐檢查一番﹐車胎沒事﹐卻臭到車頭有焦味﹐還冒煙哩!! 嚇得我o丫... 急Call爸爸救駕... 爸來到﹐原來是水箱漏水了﹐所以過熱致冒煙﹐麵跟爸爸不停跑左跑右找東西救車﹐然後爸爸把這車子開走﹐留下另一輛給我們用! 還好不是去到大潭才發生﹐否則都不知道該怎樣找人來救命了~~~~ 嚇死了~~~~
今天謝謝Venus及Chris哩。
約在CDL今晚揀相! 約齊幾位 JM一齊去﹐一人五行衝去CDL。一入門口﹐似乎我地都真係好人多勢眾﹐好多Sales姐姐眼望望﹐以一般都係二人揀相的情況來看﹐我地確實係幾注目o既。
就係最近門口果張大枱揀相﹐首先係第一件婚紗﹐即Suki果件花花婚紗﹐Bowie同Wallis都話幾靚﹐悟‧‧我都覺得Ok o既‧‧檢視在一陣之後就開始Out相大行動﹐無錯... 係Out相﹐因為Target係Package所包o既數量 + 唔要油畫所換番黎o既兩張﹐即總共22而已﹐唔用Out相哩個方法係唔掂的。由於映果日阿麵已經無哩心機﹐係呀... 佢無心機映哩﹐所以佢話對D相無咩感情﹐隨得我鐘意點Out就點Out。隻手開始此起彼落﹐望落去已經唔鐘意o既‧‧OUT! 望多兩望﹐我同麵個樣怪怪地的‧‧OUT! 第一Round﹐揀剩大約廿幾張。
第二Round﹐係第二件婚紗﹐噢‧‧唔知係咪唔o岩身﹐都映得有D大隻妹﹐同埋覺得心口位o既肉好似太多﹐漲卜卜﹐可能應該掉轉係話﹐件婚紗o既心口位o既曲線位造得有問題﹐其實哩個問題果日應該已經知﹐不過無諗過咁嚴重﹐第二Round﹐一樣係Out在好多相! 如果無記錯﹐應該剩番十零張而已。JM們話我Out相o既心比佢地果日揀台灣果輯更恨!
第三Round晚裝﹐Sales係我仲係第二Round時就已經係我地面前偷睇哩一Round o既相﹐仲要話我揀條裙揀得好好﹐好Sharp﹐梗係Sharp啦﹐棗紅色漸變裙喎。攤晒出黎之後檢視一次﹐Oh My God... 條披肩太累事喇﹐好聽就係高貴、唔好聽係老積﹐映唔到我想要o既活潑感﹐好彩有D相有拎走條披肩﹐如果唔係﹐真係太浪費我件衫哩!!! 哩一Round又Out剩十零張。
第四Round﹐係我地o既單人照﹐唔知Sales係咪見我地夠晒多人 + 個個都好有經驗揀相(梗係啦﹐每人都映在幾輯喇)無分開男女相俾我地揀(因為係知道擾亂唔到我地視聽的)一次過Show晒俾我地睇。Good! 睇完一次又再黎Out過﹐無論係我唔鐘意的、阿麵唔鐘意的、JM們話唔靚的﹐都俾我地不停咁Out﹐Eric話﹐粗略估計前後應該都有二百幾張俾我地揀﹐經過哩輪篩選﹐剩下大約五十張!
好o勒﹐係時候慢慢真係欣賞下D相喇﹐就真係慢慢睇.... 然後Out下又一張﹐Out下又一張﹐有D仲一次過Out兩張對相﹐然後剩番大約三十幾張時﹐Sales即管Quote個數黎睇睇﹐計完﹐悟... 唔抵﹐再Out! 但就開始真係難選擇喇﹐因為有D我想留果件衫o既Look﹐有D就真係映得幾好。好彩我今晚揀相團o既朋友仔夠晒經驗﹐指得出邊張有咩問題、邊張靚D etc etc﹐唔駛用好多時間就Out 晒要Out o既相。剩番22!!!
Yeah﹐Target Completed!!!! 雖然去到三十張左右Sales姐姐開始面色唔多好睇﹐不過無辦法啦﹐鬼叫你地哩輯係最後﹐珠玉在前﹐你地D相係無映得出面果D咁開心、自然﹐係慘D o架喇﹐同埋‧‧阿麵又映得唔投入哩﹐所以唔想再加相了。
又到講錢時間﹐佢想似擾亂視聽方式話我知究竟D相簿有咩唔同﹐咩Coating幾錢乜乜東東﹐講到一舊雲咁我都唔知佢講緊乜﹐我問Sales姐姐﹐你究竟講緊邊部份o既o野﹐佢講多一、兩句﹐朋友仔(唔記得Bowie定Wallis)就話﹐你做唔做Coating呀? 我輕聲答：『唔駛喇!!』當然好姊妹有推介出去星輝再攪啦! 然後Sales再問轉唔轉相簿種類﹐我又懞盛盛﹐然後我只係話﹐我本身係乜就做乜啦﹐佢都無癮再Sales落去。係我填緊佢D表格o既時候﹐佢竟然仲繼續努力拎佢D手掌Size的相簿問我有無興趣揀二十張出黎做超細相簿Keep File﹐好彩未睇已經話唔駛﹐後尾拎上手﹐佢入面D相有D直頭連李亞男同林峯個樣都睇唔清楚。OMG... 好心啦~
總結﹐映二百幾張揀三十張其實都好合理﹐不過因為以下原因﹐我地勁Out相：
1. 攝影師功勞不少﹐某D相攞角度好有問題 + 唔合理﹐幫了我一把去揀相。
2. 中毒馬、音樂盒、扮大叫、映得我地好細粒的相都係勁Out相o既Item﹐因為其實我都唔鐘意‧‧
3. 我地Package得22﹐梗係盡量揀唔執都已經好靚o既相啦﹐唔通我仲冒險嗎?
4. 離開去又一城時突然醒起﹐噫‧‧點解我無Effect相o既?!?! 佢可能見我地咁恨都無謂俾我地睇掛‧‧唔揀就算啦﹐就當係佢地幫我慳錢啦。
5. 最後‧‧最主要的原因﹐我地唔想再駛錢係哩個Item﹐唯有Cut到盡﹐22張﹐一蚊都唔加! 有錢都留番係間屋度買個靚D o既煤氣爐、或買靚D o既地磚!!
另一結論﹐佢地化妝師Peggy手勢好唔錯!!!!!! 推介!!!!
Time Keeper：由入門口到離開 CDL﹐只係大約一個鐘頭! 超快噢‧‧
今日去在CDL映相﹐去果程都仲落緊雨﹐已經打定輸數園景要Re-Schedule﹐還好﹐最後都停在雨﹐順利映晒全部o既相哩﹐好彩唔駛請假。
去到一入門口﹐見到有人映相﹐噫‧‧咁我地咪有機會映相囉?! 見到『哩士』﹐就已經同佢打招呼﹐唔理佢真記得定假記得喇﹐就當佢真係記得我地啦﹐然後快手交Locker Deposit﹐拎晒D o野上二樓﹐鎖好Locker﹐就開始在我o既化妝程序!! 那小Locker細得可憐﹐Size都唔知夠唔夠一尺乘一尺。一、二、三換衫﹐然後乖乖地坐好化妝﹐mua好Cool 呀﹐先係問我今朝唔得閒映相﹐我心諗『係呀!! 唔得閒唔可以嗎?!?! 雖然其實係我地唔想咁早起身﹐狀態不佳呀!』然後仲窒我眼睫毛太勁‧‧好彩我多手去買多一盒﹐先至有一對o岩用的!!
下面哩對係被mua指太勁的假眼睫毛‧‧
再黎哩對係本來以防萬一買的﹐點知仲o岩用過上面果對。
都算幾Ok o丫﹐買得好!!
除在時間同埋化妝用品之外﹐另一樣俾佢話的就係髮型﹐佢問我係咩以前整過﹐我講解完仲話俾佢知唔想紥起晒D頭髮﹐佢又窒我話係咪我之前D mua o既問題所以咁大問題﹐佢話識 set 就唔會有問題o架啦﹐你都唔係好面肥之嘛 etc etc... 我當時已經俾佢講得有D不爽!!! 心諗‧‧好煩呀! 點解隔離D小姐o既mua咁好傾﹐我哩個就咁o架!! 佢最後就講在句﹐咁如果係咁﹐你D髮型就無咩變化o架喇喎。唉‧‧我心諗﹐無就無啦﹐是旦啦。所以化第一個妝時﹐我地係完全Dead Air狀態﹐無咩交流!!!
不過佢o既冰山感覺就係落去睇試妝相時開始溶化﹐佢真係跟落黎睇有無咩唔妥﹐幫手睇造型相﹐仲主動要求攝影師等一等﹐帶我番上去再執好D個頭﹐再補多D花仔﹐又開心有笑容﹐感覺即時180度大轉變；同埋開始Feel 到佢好努力去幫我整得靚D﹐映緊途中都有番黎睇下我個髮型有無咩問題﹐so far 唔覺有其他 mua 會黎幫幫其他新娘睇睇有哩。因為第一件衫係Suki 件花花裙﹐係映園景的﹐所以我地都有噴蚊怕水﹐不過D蚊真係好毒﹐噴唔夠果D地方就毫不留情地咬! 我都中晒招o丫﹐好彩CDL有準備無比滴。
第二個造型﹐我終於都揀到果條紫紅色漸變裙﹐無錯﹐連著晚裝都要漸變色呀!! 哩件著得幾好我好開心哩﹐因為我想著深色的﹐如果唔係﹐我D pre-wedding相﹐全部晚裝都係淺色o架喇。哩次個mua set 個頭好Party Feel﹐我估唔到自己可以set 到哩D﹐幾好玩!!
第三件Gown係婚紗﹐一著上身﹐望望﹐有D唔對路﹐點解... 好似唔同在款?! 坐低Set 頭﹐諗諗﹐真係喎﹐好似唔係咁o架喎。再同個mua Assistant講﹐我‧‧第二件婚紗係哩件咩﹐點解好似唔o岩咁o既?! 然後佢先幫我拆晒個頭D夾俾 mua 幫我set 頭﹐佢去幫我check單﹐因為揀衫果日映在相o架嘛!! 佢一番黎就拎住件衫喇﹐原來真係錯在o丫!!! 好彩我有印象o即。因為前兩個造型﹐個mua都set得幾好﹐同埋原來佢好好笑容o架﹐不過可能一開始時未Warm Up所以先至咁Cool﹐原來佢都好好人o架!!! 所以第三個造型就聽佢話﹐再試下唔同o既Set 法會唔會唔同﹐所以第三個造型就Set 起晒﹐佢好有心機呀!! 真係好好心機去Set ﹐好落功夫哩!!
映呀映﹐映到八點幾先至停﹐全場最遲收工o既﹐除在工作人員就係我地喇﹐攝影師同Assistant 超好心機﹐其實我真係好懷疑﹐日日都映哩D景﹐點解佢地俾人o既感覺仲可以咁有新鮮感咁樣﹐俾在我﹐我應該已經悶到無反應喇﹐至少﹐後尾同麵傾開﹐原來大家個心都諗『映完未呀?!?! 肚餓喇‧‧唔映晒就算啦﹐都映在咁多咯。』
其實佢地待客都好唔錯﹐好好心機﹐好有禮貌﹐不過我對於佢地o既Gown依然係投以『唔掂』一票格!!! 詳情請睇番之前D post 啦。
約在黎緊Weekdays o既其中一日去揀相﹐星期六無期喇。唉‧‧Target依然係22張!! 其實如果映足咁多個鐘﹐我地先至揀22張﹐佢地真係投資失利哩。不過無法子啦﹐我今次唔會好似之前咁手鬆o架喇﹐要嚴格執行 Out 相呀!!!!
我地仲有張Upgrade在o既CDL Coupon要影o丫﹐影埋哩張就收工喇﹐尋日大雨滂沱o既時候﹐二人緩緩咁轆去CDL九龍塘。
一入大門道明來意﹐Sales姐姐就帶我地上二樓睇相簿揀衫﹐一上到二樓就見到我想試o既果件紫紅色晚裝有個女仔著住等映相 
四本婚紗四本晚裝﹐Oh My God... 佢D相簿認真救命啦﹐有無得再殘D
其中一個例子係﹐其實好靚就講不上﹐不過有D款未試過就老水都試下先﹐我勉強填在幾個Number之後﹐見我坐緊後面有件衫個Feel 好似上次陪Annie時係Zara睇到果件晚裝咁款﹐上身白色下身灰色﹐咁心思思想試埋啦﹐咪問Sales姐姐哩D揀唔揀得啦﹐佢話得﹐你無寫Number嗎?? 我話﹐相簿無喎﹐佢話有!! 仲即刻搵出黎我睇﹐Oh.... 屎﹐本相簿果張相同實物o既距離簡直係十萬八千里呀!!! 
前後試在十一、二件衫左右﹐婚紗試在五、六件左右﹐連明知會突顯我壯健手臂o既都試埋﹐我係唔打算揀o丫﹐但係我要攪攪震!!! 婚紗唔算難攪o既﹐最緊要襯o姐﹐因為係白色﹐無難度!! 但晚裝我就勁喇﹐乜色都試晒咁滯﹐Suki青色裙、Suki蝴蝶裙、Suki橙肉色裙、另加黃色裙、上白下灰裙、八八掛掛乜都試﹐唯一我最有興趣的果條紫色漸變色裙Sales姐姐話有客人著緊映相﹐留起俾我映相果日再試!!
我揀在上面哩件!!
上面哩件我明知會突顯肚腩﹐但想試﹐Wow... 試在個肚腩仲要係勁突!!!
哩件做晚裝﹐不過Sales姐姐會留番件漸變紫俾我果日即場再試!!
此為我所指o既上身白色下身灰色裙o勒。(原來係黃色黎)
其實我好有興趣o架﹐不過麵唔鐘意。
忠告：羅浮宮你快D做下裝修同埋攪攪D相簿啦﹐你唔攪就真係趕客o既行為呀! 我聽見隔離試衫位果個小姐問你地o既工作人員有關D衫o既問題﹐佢竟然答『係呀﹐D衫十年o架喇!!!』究竟佢係有信心件衫可以十年常新﹐定係我地o既眼光停留係十年前呢?!?! 唔怪得宜家好似多D人去FB或ML映多啦。
