Wedding Expo

尋日係Wedding Expo o既第一日﹐我地二人哩一Pair學人家去行埋一份!!

 

 

一入場﹐就覺得﹐嘩... 乜得咁多Sales o架﹐我地一入就係映婚紗相的部份﹐每一家都大量Sales向前遞上佢地o既單張﹐多到o丫...﹐因為我地只不過係睇下行情﹐所以我地又見o野就收﹐行幾步一張﹐行幾步又一張﹐真係好跨張哩。

 

 

拎拎埋埋就有咁多啊~~

 

 

然後俾某家台灣o既婚紗公司拉住睇相簿﹐咁我覺得睇下又無壞o既﹐最多唔問咁多o野﹐企硬囉﹐咁睇在幾本﹐我都無咩特別問題問佢﹐佢又估唔到我想點喎﹐咁我地話要諗諗﹐佢都無留難我地﹐就俾我地走喇。

 

 

然後一邊行﹐依舊有大量人將單張塞入我手﹐有... 國內、台灣、香港、代辦外地婚照o既公司﹐我地收一張﹐就放一張入袋!! 我地行在大約半個場﹐睇在好多間國內、同埋香港o既細公司﹐睇睇下我地都有共識﹐我地真係唔想番國內映啊﹐跟本就係一睇就睇得出﹐打光啊... 怖景啊... 攝影技巧啊﹐哩D完完全全一睇就唔o岩Channel；好彩﹐哩方面油麵同我o既諗法都一樣﹐而唔係只有我自己覺得o既問題o即﹐咁遲下耍真係選擇o既時候就易辦得多啦。

 

 

宜家暫時睇﹐如果大公司﹐我鐘意Monalisa﹐我真係好鐘意好鐘意Fiona果輯相﹐而細公司哩﹐我就鐘意一間叫MatchFrame、一間叫木蘭的、同埋幫小馬映相o既Mien﹐但其實仲有好多其他o既枝節﹐哎o也... 宜家先至o岩o岩開始咋﹐仲有排要搵資料哩。

 

 

不過另一個問題係﹐最重要果樣都未攪﹐就係酒席o勒!! 果日係Expo拎在一大堆酒樓o既資料番黎﹐嘩... 多到o丫﹐花多眼亂哩。

哩D已經Sort Out在香港區o既資料喇﹐只係九龍同埋集團式o既都有咁多﹐哩次真係有排搵咯...

搵部NDS黎量高會唔會明顯D睇到究竟有幾多??! 勁啊!!

 

 

不過.. 宜家都仲未同油麵媽媽講我地有咁o既打算﹐話晒佢都係老人家﹐好驚嚇親佢啦﹐個仔同我先拍在幾個月拖就係樹談婚論嫁﹐都怕佢覺得唔係時候o架；油麵都驚所以本來諗住過在年先至攪﹐不過.. 如果真係過埋年.. 咁D酒樓位就真係買少見少咯﹐到時想搵間似樣o既酒樓就真係『有難度』咯。