奇妙姻典

自從發現唔可以係婚姻註冊署行禮之後﹐哩幾日我都忙緊搵證婚場﹐日日上網不停睇人地o既Comment同埋介紹﹐然後睇下Website搵下資料咁啦。宜家搵到o既有幾間﹐佢地就係『緣美傳說』、『2 In 1』、『奇妙姻典』同埋『證婚堂』。

 

 

第一間睇o既係『緣美傳說』﹐佢係諾士佛臺的商業大廈入面﹐因為大廈本身已經唔係大o既關係﹐就算佢租晒全層都仲係唔夠位﹐佢兩個堂﹐其中一個Full D因為另一個太金碧輝煌喇﹐然後睇過佢地D Package﹐之後就離開喇。

Comment：都算Ok﹐地點算方便o架喇﹐不過佢地方唔係好夠而Decoration太多﹐有點焗促。最不滿係我地結婚果日佢定為特別日子﹐要額外多收我$800!! 好不滿呀!! 因咩Boxing Day都要收多$800?!?!?!

 

 

第二間係『2 In 1』﹐係尖東的﹐地庫全層要晒﹐但個堂就好童話Feel﹐都Ok o既﹐雖然佢禮堂o既外面就唔係靚﹐有點點勉強﹐但哩度可以行出尖東海旁映相。

Comment：Ok啦﹐交通最方便囉如果對於開車o既人黎講。

 

 

第三間係『奇妙姻典』﹐亦係我最鐘意o既一間﹐白色禮堂超靚又夠大﹐我同油麵地仲俾人叫在上台扮主婚人添!! 咁同埋佢地俾到個感覺我係有心做o既﹐又會安排程序﹐感覺好好多﹐同埋個Hall 真係好靚呀!!!

Comment：好靚呀﹐好鐘意呀!! 雖然樓下好多人等Lift﹐隔離又係直銷中心﹐但如果各方親友早十零分鐘到達﹐果種感覺係好容易洗走晒o架!!

 

 

最後一間係『證婚堂』﹐係網上面睇時我係最鐘意佢地o架﹐因為佢地係九龍塘一個獨立屋﹐好有Privacy﹐ 有真草地﹐有園景﹐Very Ok!! 不過... 當我搵到佢地o既網上Comment之後﹐都不得不打退堂鼓﹐因為無人Follow order﹐十問九唔應。同埋佢地set出黎D rule好死板﹐無咩Tolerance﹐所以... 都係咪喇。後尾見反正睇在咁多間﹐都唔差在睇埋啦﹐嘩... 好彩無抱有大期望咋﹐佢個門口﹐睇到已經覺得唔係呀化.. 又無招牌﹐如果叫朋友去搵﹐可能明明企在係門口都唔知自己已經到在呀。

 

 

綜合最後﹐番屋企報告後﹐我地係決定去『奇妙姻典』﹐咁橋油麵有個中學同學係果度做﹐所以即刻搵佢幫手mark期同埋『R』優惠!! Yeah Yeah.. 又攪掂一樣喇!!