本來油麵過過完年先至同佢媽媽講我地打算出年年尾結婚﹐但去一去Expo同埋睇唔少網上Comment﹐仲唔訂酒席就乜都無o架喇!!!
所以上星期六晚﹐佢終於都同佢爸爸媽媽講我地o既事。
講在之後﹐終於行程綠燈了﹐可以開車了。正式『墨麵囍事』Start!!!
首先係要搵擺酒席o既地方﹐其實我地兩個都唔想大攪
﹐覺得真係常見o既親戚同埋自己o既好友就Ok啦﹐所以曾經考慮過不如黃金海岸 Lunch Buffet啦﹐又溫馨又Warm
﹐晏晝映相仲好靚添喎!!!
但... 四大長老聽完之後﹐爸爸們沒什麼意見﹐但兩位媽媽就看來不大想攪西式婚宴﹐對哩種方式完全無興趣
﹐只淡淡然話﹐普通中式好啲﹐Ok...咁我地唯有再睇下啦。
然後的起心肝send email去Eaton問問﹐因為佢地個Menu好似都Ok
﹐睇完佢地多D資料﹐噫﹐真係得喎﹐不過個廳三尖八角﹐唔係L型就T型﹐完全一個大廳果D又要人用其他Menu﹐同埋佢地剩低o既Available Date都唔得幾多﹐不過我地都諗住去睇一睇﹐感覺下都好嘛。
至於一般果D咩『好 x』、『彩 x 皇 x』﹐我地暫時都唔係太大興趣
﹐可能覺得佢地太普通喇﹐好似去飲茶咁﹐所以我地都唔會將佢擺係咁前考慮﹐我暫時諗住﹐如果Eaton唔得﹐咁我會先諗『靚心』集團旗下果D先﹐有D保證o丫嘛﹐點都唔失禮啦!!
不過暫時都係得個睇字﹐因為要擇日﹐同埋都希望可以星期六、日﹐所以宜家乜都唔落實得住﹐一日未擇日就一日唔攪得住囉
﹐其實都好15/16 o架﹐上網D討論區﹐真係好易俾人嚇親﹐一個二個成日都話D期無晒
﹐再唔係就話﹐擺酒樓都要酒店價
﹐Oh My God... 唔係化﹐不過出年好年囉；但又覺得有點變態﹐擺Book酒席﹐D人竟然係兩年前已經做﹐唔駛掛~~~
沒有留言:
張貼留言