其實我地真係太趕喇﹐只得兩個全日﹐走果日上晝十一點就起飛喇﹐真係好早。不過我好遲先至去機場‧‧‧
在計劃初期﹐果朝本來係想再去游一游水先至走﹐不過考慮到時間真係有點緊迫﹐我都係選擇繼續同周公子係夢裡面曬太陽好D﹐然後梳洗一番 + 慢麼麼執行李﹐攪到後尾成九點幾先至出去Lobby食早餐。
Lobby個feel都好像樣o既﹐不過D食物就麻麻地﹐唔吸引囉﹐幾經選擇先至選擇到幾樣o野番黎食﹐純乳酪又唔凍﹐唉...
有人去到邊都食煎蛋....
我都承認D相係藍得跨在D﹐所以誠意提供由另一部相機o既相做比較﹐上面果張係我部Casio而下面果張係油麵部Panasonic!!
好喇﹐我地o既沙巴之旅都完結喇!!! 我相信我總會再搵機會黎o既﹐如果大家會去哩度而又需要資料的話﹐我好樂意提供聯絡方法俾大家o架!!
以下係小小o既Comment：
MH o既機好細架﹐唔知係咪我少撘哩D機﹐好震哇!!! 同埋飛機餐好難食!
估唔到係Business Type酒店Radius﹐仲瞓得好過係Resort Magellen﹐不過Magellan真係好舊!
如果可以﹐請盡量安排有三個Full Day係沙巴﹐如果唔係﹐你只會心大心細﹐因為太想係兩日做晒全部o野﹐而最後攪到有欠缺o既一樣。
沙巴市區的士﹐基本上MYR10有交易!
美雅雞飯係抵食﹐不過除在滑﹐唔算特別好味!
海王城D食物唔夠熱! 同埋有個辣汁味道好古怪!
機場係無雪條賣o架!
有個朋友話佢有 friend兌到2.4﹐但我只兌到2.31....
嘩！好正呀！d風景都好靚好舒服呀！全程用左幾多$$左右呢？
回覆刪除