人生第一次激流

陽光與海灘o既旅程都去過幾云﹐但激流就係第一次﹐雖然唔算勁﹐但對未玩過o既初哥黎講已經非常Very Good 喇!!

 

 

我地o既第二Day沙巴之旅就係參加在一個叫做Kiulu Rafting o既旅程﹐沙巴有好幾條河﹐九如河係最容易o既一條﹐由開船去到目的地大約一個鐘頭﹐途中有好多休息o既地點(其實只係唔駛郁咁解)﹐亦都有小小沖落低水位o既地方﹐總之對於初哥黎講係好o岩玩的!

 

 

我地約在Local Tour九點黎接我地﹐咁我地係九點前先去酒店附近醫五臟廟‧‧

估唔到去到沙巴都見到旺角啊!!

其實佢裝修都好似旺角o既麵舖﹐又係有麵包賣、又有麵食‧‧

 

 

哩餐就係我地係沙巴o既第一份早餐喇!! 有一個係冬蔭公湯底、一個係喇沙湯底﹐好古怪哩﹐咁早就咁樣食﹐但原來佢地興o架喎﹐因為見人人都係咁食o架!! 但唔好問我邊一個打邊一個喇﹐我宜家真係分唔開﹐不過﹐真係好好好好好味啊!!

 

 

食飽飽就出發喇﹐沙巴其實唔算好大o既﹐一般市區地方只需10-15分鐘車程﹐但我地去激流就要坐大約一小時車到達山區先至有得玩!! 哩個已經好近﹐有條叫Padas o既河要又車、又河、又火車先至去得到!!

 

 

有個笨蛋竟然帶在支洗防曬o既Cleaner出去打算當防曬咁用... OMG..... 好彩Bevis都有防曬係身可以借我咋...  如果唔係﹐已經燶o既我會多燶兩錢...

 

 

由於我地D相機都唔可以濕水﹐只好放低係車﹐用腦去記住我地玩o既經過啦!! 不過原來哩間Local Tour安排定人手周圍幫我地映相﹐所以我地都有幾張玩激流o既相o既....

你都咪話﹐買番哩四張Images都洗成MYR100 o架﹐不過四個人分﹐都Ok啦!! 最緊要係自己映唔到o丫嘛!! 玩緊途中﹐ar mui跌過一次落水﹐據Bevis所講﹐ar mui個頭差小小就撞埋舊石度﹐好彩最後都只係一身濕晒o即而無咩損傷﹐不過好彩同行兩個小姐出手相救﹐因為我地無人o岩位拉番ar mui番上黎﹐我都係當拉佢上黎時幫手拖佢隻腳番上船咋!!

 

 

玩完食埋Lunch就番酒店喇﹐番到去三點幾近四點﹐由於係機場時只兌換在小小馬幣﹐所以落車時第一件事就係換錢；插曲就係哩度出現喇﹐唔知點解公數唔見到$1000港幣﹐我嚇到坐在係兌換店係樹發呆﹐ar mui同Bevis叫我既然未搵到﹐不如番上房搵﹐可惜﹐我搵晒全部袋都無所獲﹐幾位Sorry啊﹐我都唔知點解會咁大頭蝦﹐但... 我真係完全無印象係邊Part會有哩個可能性...

 

 

Settle Down後﹐換好衫打算出去行下﹐行在一個街市﹐有o野飲、有零食賣﹐但由於太似香港o既街市﹐我地唔係行在好耐﹐Bevis買小小o野就走喇﹐然後去在食美雅雞飯!!

雞確係好滑o既﹐但又係咪好味到不可多得呢?? 我覺得又唔係囉﹐不過真係好平...

 

 

然後再搵肉骨茶... 不過唔夠藥味...

 

 

食完仲去7-Eleven搵飯後甜品啊!! 不過我只係咬在一啖...

 

 

一日旅程完結了... 打道回酒店了咧....