再遊老鼠園

我‧‧其實‧‧豈止夠做香港老鼠園o既人肉地圖﹐我真有資格做佢地VIP啦!! 明明唔係佢地o既超級粉絲﹐但唔知點解都去在好多次‧‧

 

 

今次係小墨媽不知是因為那家品牌Membership送的門劵兩張﹐仲要最遲下星期三一定要去﹐可是她完全沒興趣﹐就叫我跟油麵去行下o勒﹐其實我同油麵每人都去在N次﹐所以我地今次真係『行下』同埋映相而已~

 

雖然廸廸尼黑色世界仲未開始(二十六號先開始)﹐但周圍都已經做緊轉Theme大行動喇!! 有好多以黑色世界做主題o既o野賣喇!!

 

係小鎮大街行時﹐其中一間商舖地下仲擺在隻高飛狗!!

我個人比較殘暴﹐我選擇起佢一腳!

 

 

入場已經中午﹐熱到發瘋﹐二話不說搵個室內地方抖下涼先... 一搵就搵在小小世界!! 好彩佢有個大o既冷氣場﹐慢慢排都無所謂‧‧

一如日本小小世界一樣﹐即係點?? 你如果去過就明﹐如果未去過o既.... 咁你安排番個日本Trip去體驗一下啦!!!

 

海洋公園真係贏得有道理﹐起碼排隊唔駛排咁耐﹐排得耐﹐當頭曬又好辛苦!!

哩度就係証據喇!! 你睇﹐下晝兩點幾就話無Fast Pass攞﹐你真係蝦我麼???!!! 當年超多人之時﹐下晝五點幾都仲有Fast Pass拎啊!!

 

 

食在一支雪條...

驗查過係雀巢出品以為無事﹐番到屋企睇新聞先知﹐連雀巢都唔係一個保證!!

 

 

一直覺得老鼠園入面o既飯餐唔新奇又唔係好味﹐今日竟然有點點改觀‧‧事源我有D肚餓要搵o野食﹐去在其中一個Food Court仲要係Outdoor﹐係啊﹐Outdoor好熱啊﹐不過因為有位同埋有風扇後就都Ok o既﹐叫在咖哩唔知咩雞﹐噢! 好味!

估佢唔到啊!

 

 

太熱太熱喇﹐我地四點左右就走喇﹐咪睇四點好早﹐我膊頭已經又燶在喇! 好彩今日係免費飛﹐如果要俾錢‧‧我諗‧‧我同油麵應該係唔會黎o架喇...

 

 

今朝等緊地鐵去欣澳o既時候﹐有人笨鈍﹐打爛在自己塊鏡‧‧

肉赤啊... 好肉赤啊... 天啊?!!?! 點解啊!!!!!!!!

 

後尾番出九龍﹐油麵給我買一塊新的‧‧

我會小心咁用o架喇...