很難明嗎??

昨晚係無計劃o既情況之下﹐去在打邊爐

(咪睇我個 icon係小馬同小圓山﹐我地o既飯腳又係三姊妹)。本來想去我地最鐘意o既稻香﹐不過我地又晏在﹐打電話去問等得耐唔耐﹐又答唔到我地喎﹐為免餓到反轉﹐我地就是旦搵一間近o既酒樓照打可也。

 

 

我兩位朋友真係對我好有心﹐我唔食得牛﹐佢地記得之餘﹐係我泊車之時佢地已經開定位  + order定食物同埋個窩

﹐仲有Special Request 廚房用個鴛鴦窩的煲﹐但兩邊都放晒同一個味道o既湯﹐咁佢地兩個可以食牛﹐我唔牛的就自己哩埋自己果半個窩慢慢打。

 

 

但唔知哩個Request o既難度係咪 9.99﹐廚房果邊足足出在四、五次﹐都仲係用一個無間隔o既窩出晒一盤湯俾我地

。無輪經理、傳菜、Waitress小姐﹐前前後後足足六、七個人行過黎我地張枱﹐佢地好奇怪點解D餸料黎晒但個窩遲遲未見影。

唉.. 咪話佢地好奇怪﹐我地都覺得好奇怪‧‧‧

 

見唔見?? D食物圍住晒個窩爐位(紅色四方果度就係個電磁爐o既位喇)﹐但各酒樓o既員工四出幫我地check做咩個煲咁耐都唔出現﹐我地仲同佢講﹐不如你去廚房拎個吉o既煲俾我﹐等我自己來倒啦好無???

但佢地又話唔好喎。終於... 係大約第六次o既時候一個o岩o既煲終於出現了。

(其實都唔知會唔會已經被加料....)

 

或者係我唔好﹐我做咩咁鬼麻煩學人唔食牛﹐但無法子啦

﹐唔食得就係唔食得嘛﹐上次又係打邊爐無分左右黎食牛﹐攪到病在兩個禮拜

﹐真係諗起都怕啊!! 不過雖然個窩好耐都未黎﹐D食物又無稻香咁正﹐但因為個窩o既Size超大﹐我地打得好鬼開心、好鬼暢快

﹐因為唔駛驚掉晒D粟米落去就煲唔到其他o野﹐我諗﹐哩個窩o既直徑有成13吋啊!!!!

 

 

尋晚哩一餐都算好暢快﹐食得好飽﹐