快、快、快

早幾日已經覺得頭髮太長、每早Gel 頭時都覺得不知如何攪個頭才好

﹐每每遇上哩一個環境﹐我就會好想即刻跑去剪頭髮。忍在三日﹐今日忍唔住﹐要一剪而後快了!!!

放工拿拿林去搵阿Yo(髮型師)﹐剪剪剪... 噢.... 清爽晒﹐安樂晒。

 

 

從來我都唔係好有能奈o既人﹐記得番第一份工果陣﹐某次Lunch Hour好想食薯片﹐見仲有時間就落街睇睇士多有無薯片賣﹐無錯﹐果陣係工廠區確實係仲有『士多』格

。見無得賣﹐行去超市來回都係多二十分鐘姐﹐咁就行去買啦﹐買完番黎﹐我同事講在一句『我諗你都唔係忍得口o既人。』我就係咁o架喇﹐諗起好想好想做o既o野我就會即刻去做﹐如果個腦不停係樹打交、唔知做好唔做好﹐咁我就會忐忑不安﹐左諗諗右諗諗﹐越諗越煩

﹐除非可以有其他o野分心啦﹐所以係爭持不下o既情況之下﹐最好就搵D完全唔關事o既o野去做﹐就可以暫時唔諗住o勒。

 

 

計以往記錄﹐我係試過... 特登過海﹐目的就係想睇一間舖有咩新款o野出

；又或﹐試過明明係屋企﹐特登撘車出去﹐做完一樣唔算好重要o既o野然後番屋企。不過咁... 其實小墨媽都有哩一種『癮』﹐可能﹐哩樣就係遺傳。

 

 

唔知哩D係心急、定無耐性、定係咩呢?? 呵呵...