旅程總結

首先多謝 Frankie陪我癲先﹐因為要係哩個時間突然去旅行﹐真係唔係每一個人都行得開。

Thank you!!

 

 

某程度上﹐我地都有點沙膽﹐無咩朋友去過o既地區都我地都話去就去﹐仲自由行﹐小墨爸今日先問我﹐我地點搵到哩個地方啊??

 um.. 我話：『網上面搵料哩。』行程中可能有D我會比較想點就點﹐好彩Frankie順得人﹐不過出外旅遊﹐最緊要大家肯拎出黎討論同埋大家都肯互相考慮大家睇o既角度﹐再決定點樣係大家最接受o既行程﹐千期唔好屈埋屈埋哩。

 

 

Resort情況係我地最估唔到﹐以我地俾o既價錢有哩個質素已經好好﹐我地懷疑過在哩一水之後﹐應該會加價!! 因為覺得佢絕對加得起!! 後期我都習慣在出華欣市o既車程﹐唔覺得真係好遠了。

(第一天要40分鐘、但第二天就變成30分鐘了)

 

 

不過Shopping係哩次行程係最唔起眼o既部份﹐我地除在有Target地係Lotus度買在D必買o既o野之外﹐好多都係行下行下咁﹐買又得、唔買又得。佢地o既夜市就十足十我地o既廟街﹐睇完可以走﹐唔算好有特色。

 

 

而景點... 真係Sorry﹐係無咩格

﹐所以我只有大量o既『海天一色』相、泳池相同埋Resort裡面設施o既相﹐除在... 我地果場被困Massage店o既水沉啦。我明白我地o既快樂不應建築係人地o既痛苦之上﹐不過... 我覺得果班店員﹐邊徹退佢地o既電單車之餘仲玩得不亦樂乎﹐所以都還可以拿來說說笑。

 

 

如果你地Expect 好好玩﹐Sorry﹐哩度應該未能達到你o既期望﹐不過如果你係想去Hea 的話﹐就一定可以﹐因為Hea 的話﹐只要你選間好D o既酒店﹐已經足夠你Hea 幾日了!!

Shopping篇

華欣係一個小小o既鎮﹐並無好多o既景點﹐只有一條街有獨立店﹐另外有個Market Village同埋夜市叫做有o野行。

 

Market Village係一個Mall﹐入面無Big C但有Home Pro、Tesco Lotus﹐同埋一大堆獨立店﹐仲有個Food Court。

 

 

哩度仲有間DQ啊Bevis...

 

另外﹐Mall入面仲有一個奇景﹐就係眾目葵葵之下在商場做Foot Massage(唔係我哇!!) 佢側邊張拉架係寫Thai Massage、Thai Oil Massage同埋Foot Massage﹐Foot Massage都夠奇特喇﹐竟然仲有Oil Massage....

 

我地研究在好耐喇﹐Lotus/Tesco應該係同一間o野黎﹐不過... 我成日都覺得Tesco就Tesco啦 (無錯﹐係舊公司個客!!!)

 

Our Resort

哩個旅程另一重點就係... 陽光與海灘!!

 

 

可惜... umm.. 我地.. 係.. 無海灘格﹐我地果個﹐叫石灘﹐仲要整晒警告牌話『小心水母』﹐但我地雖然無海灘但有個對到個海正一正o既泳池﹐所以... 係泳池玩就算o勒。

 

我地兩個一有太陽就拿拿林換泳衣出去游水﹐因為太怕轉眼間又落大雨了。係泳池傍睇住藍天白雲其實真係好舒服﹐前後左右o既人都係悠然自得﹐有人睇書、有人睡覺了...﹐仲覺得個天‧‧好靚。

 

 

 

綠綠o既 Resort、有環保概念、珍惜資源﹐某程度上覺得有D o野好似外國比香港更先進、更有理想‧‧雖然佢地o既國家建設好像比較落後﹐香港只是樣樣都係快﹐但欠缺計劃。

靚靚酒店房

從來看旅遊特輯都覺得﹐間房有無咁靚啊?! 係咪勁貴先住得到啊?! 會有好多好多的懷疑﹐但今次輪到自己o既時候就覺得﹐哇~~~ 好靚啊!!

 

或者你地覺得唔靚﹐但我地就覺得好Ok 啊﹐一入房已經興奮得到不得之了

﹐可能因為我一向都鐘意哩一種裝修同埋擺設啦!! 同埋﹐今次係第一次有管家﹐佢係掌管我地哩一坐o既所有雜務同埋房客o既一切需要

﹐總之你有什麼問題﹐可以先搵在佢﹐然後佢就會幫你安排﹐同一般酒店係唔係都打去總機有點點分別。佢一開始仲講解D細節俾我地知﹐有D o野係代表乜o野Signal。

 

佢張梳化仲大到好似張床咁o架!!!

 

o拿.. 見唔見到下面有一張相有舊啡色椰樹形o既物體?? 如果你唔需要換床單﹐止需將佢擺係床度﹐咁執房o既人就只會幫你摺被而唔會換床單。

因為換少D﹐洗少D﹐可以用少D清潔用品同製造少D污水。

 

而我地房o既門牌﹐並非係門上面格﹐哈哈... 是係地下的。趣緻‧‧趣緻‧‧

 

而每每我地有o野問佢地叫佢地check﹐如退稅問題﹐佢地check完覆我地o既時候﹐就會行黎搵我地﹐如果我地唔係房﹐就會留低用Printer印o既信﹐係信唔係字條喎﹐然後擺係我地房o勒﹐有時連廣告(即sell 我地俾佢幫手洗衫果D)都有!!

最後那晚回到酒店﹐突然發現門口掛住一舊o野。

 

我心諗... 咩東東啊﹐無啦啦o既﹐之前未見過o架喎﹐係咪有人係度攪事?? 點知一開.. 噢...

原來係我地哩幾日係酒店所用o既Service Bill﹐如... 有一晚Buffet、係泳池飲o野啦、出入華欣市Shuttle Bus收費、同埋SPA錢啦﹐仲有一份問卷﹐不過我無做番俾佢。

哩個竹筒幾特別﹐一貫佢地酒店o既設計﹐連個竹筒都照顧埋﹐好o野!!

 

華欣第一餐泰菜

我地成四點幾先係機場過完關﹐再要行多大約四個鐘先可以到酒店﹐所以當夜晚八點幾時其實大家都肚餓喇﹐途經華欣市時都好應該搵在飯食先喇。

 

 

叫個司機搵地方停車食飯﹐司機帶在我地去一間菜館﹐雖說係菜館﹐其實似大排檔多Do既地方食飯。

 

一口氣叫在成五、六個餸﹐我同Frankie都不管食唔食得晒﹐只係知﹐肚餓!!肚餓!! 哩間o野味道Ok﹐不過我覺得個冬蔭公同串燒最好味。

 

成餐飯叫咁多o野先至525Baht 即港幣百零蚊﹐好抵啊!!

本來我地都打算番黎哩間o野再食﹐後尾因為係其他地方有o野想試而無再來這個店!!!

 

Information：這店在華欣市的Naeekhehart Rd 同 Dechanuchit Rd交界。但晚上九點就即刻拉閘放狗o架喇﹐我地睇到佢就算八點四十五分有人埋黎都唔做生意﹐話要關門喇喎﹐真係有Guts。

國泰飛機 - 天堂 vs 凡間

哩次出發﹐坐o既係一架國泰新Design o既飛機﹐其實有幾新我就真係唔知喇﹐不過... 第一次見同埋覺得好多o野都好新哩。

 

 

你睇... 椅背係新Design黎﹐『唉』低時張櫈唔會壓住後面o既人啊!! (我隔離無人坐所以可以隔意映相﹐唔好意思﹐大鄉里出城添~~)

 

個電視宜家竟然有Control﹐轉台、大細聲、搵空姐﹐D制係晒哩個Panel 度!! 側邊果度仲有一個掛鈎﹐如果有衫可以鈎係果度﹐但... 噫.... 乜唔係唔應該係個位度鈎o野係咩???

 

電視有好多節目任選﹐隨時開始睇都無問題

﹐我睇在鏗鏘集講單身獨居老人、一套叫『十年』o既節目訪問肥彭好鐘意食o既泰昌餅家o既蛋撻﹐仲有時間剩﹐睇埋台灣娛樂節目『康熙來了』﹐原來哩套o野真係好好笑。新機o既娛樂真係唔錯。

 

但... 好可憐地回程時﹐係好殘好殘o既舊機﹐完全無節目不特止﹐連想睇仲有幾耐到埗都無得睇

﹐餐枱盤係摺o既﹐仲爛在o架!!

坐得太前﹐D空姐又成日睇你唔到﹐份餐又好耐都唔收走﹐坐o既位係成架機o既中間聽到Engine聲仲好鬼嘈﹐我下次都係坐番機尾好D﹐同埋﹐哩次係我最差o既國泰Experience﹐唔知真係咁多氣流定機司o既技術﹐全程成日拋上跌落咁﹐有過山車o既離心感覺啊!!! 仲令我覺得應該試過一次降落不成功添。