Our Resort

哩個旅程另一重點就係... 陽光與海灘!!

 

 

可惜... umm.. 我地.. 係.. 無海灘格﹐我地果個﹐叫石灘﹐仲要整晒警告牌話『小心水母』﹐但我地雖然無海灘但有個對到個海正一正o既泳池﹐所以... 係泳池玩就算o勒。

 

我地兩個一有太陽就拿拿林換泳衣出去游水﹐因為太怕轉眼間又落大雨了。係泳池傍睇住藍天白雲其實真係好舒服﹐前後左右o既人都係悠然自得﹐有人睇書、有人睡覺了...﹐仲覺得個天‧‧好靚。

 

 

 

綠綠o既 Resort、有環保概念、珍惜資源﹐某程度上覺得有D o野好似外國比香港更先進、更有理想‧‧雖然佢地o既國家建設好像比較落後﹐香港只是樣樣都係快﹐但欠缺計劃。

靚靚酒店房

從來看旅遊特輯都覺得﹐間房有無咁靚啊?! 係咪勁貴先住得到啊?! 會有好多好多的懷疑﹐但今次輪到自己o既時候就覺得﹐哇~~~ 好靚啊!!

 

或者你地覺得唔靚﹐但我地就覺得好Ok 啊﹐一入房已經興奮得到不得之了

﹐可能因為我一向都鐘意哩一種裝修同埋擺設啦!! 同埋﹐今次係第一次有管家﹐佢係掌管我地哩一坐o既所有雜務同埋房客o既一切需要

﹐總之你有什麼問題﹐可以先搵在佢﹐然後佢就會幫你安排﹐同一般酒店係唔係都打去總機有點點分別。佢一開始仲講解D細節俾我地知﹐有D o野係代表乜o野Signal。

 

佢張梳化仲大到好似張床咁o架!!!

 

o拿.. 見唔見到下面有一張相有舊啡色椰樹形o既物體?? 如果你唔需要換床單﹐止需將佢擺係床度﹐咁執房o既人就只會幫你摺被而唔會換床單。

因為換少D﹐洗少D﹐可以用少D清潔用品同製造少D污水。

 

而我地房o既門牌﹐並非係門上面格﹐哈哈... 是係地下的。趣緻‧‧趣緻‧‧

 

而每每我地有o野問佢地叫佢地check﹐如退稅問題﹐佢地check完覆我地o既時候﹐就會行黎搵我地﹐如果我地唔係房﹐就會留低用Printer印o既信﹐係信唔係字條喎﹐然後擺係我地房o勒﹐有時連廣告(即sell 我地俾佢幫手洗衫果D)都有!!

最後那晚回到酒店﹐突然發現門口掛住一舊o野。

 

我心諗... 咩東東啊﹐無啦啦o既﹐之前未見過o架喎﹐係咪有人係度攪事?? 點知一開.. 噢...

原來係我地哩幾日係酒店所用o既Service Bill﹐如... 有一晚Buffet、係泳池飲o野啦、出入華欣市Shuttle Bus收費、同埋SPA錢啦﹐仲有一份問卷﹐不過我無做番俾佢。

哩個竹筒幾特別﹐一貫佢地酒店o既設計﹐連個竹筒都照顧埋﹐好o野!!

 

華欣行

係華欣玩在幾日﹐尋晚終於都番在黎喇。華欣係一個無Pattaya咁 Hea o既地方﹐你會見到佢雖然係條街度都有人行﹐不過D人唔算真係好懶懶閒﹐某程度上都覺得佢地好似忙忙地添。

 

 

我地o既行程係五日四夜﹐機程要兩個鐘鬆D﹐然後由BKK機場番酒店又差不多四個鐘。由於我地係中午機﹐所以計計埋埋番到酒店都已經係當地時間晚上十點幾﹐無錯... 即係香港o既十一點幾啦

﹐我實在唔可能當果日已經玩在一日。然後離開果日就中午走﹐所以極其量我地只可以算係玩在三日半而已。

 

 

但係我地o既酒店就真係好鬼靚﹐就算你睇到D相然後嘩『車... 邊係好靚o即』﹐我都會當你係因為無得去所以咁講

﹐我地係一般旅遊書度見到o既環境﹐就正正係晒我地眼前﹐我地已經係選擇最平果個Package﹐如果選擇High D果間﹐唔知係咪真係會仲正呢?!?!

 

 

哩幾日太陽伯伯都算對我地唔錯喇﹐雖然有一日落過大雨﹐我地仲因為水沉被困按摩店﹐但總算我地係酒店泳池玩在兩個中午

﹐正正係果日最好天o既時候﹐咁我無曬黑幾多﹐小小夠喇﹐費是番要買美白產品搽啦﹐到時真係攪著自己啦。

 

 

而食方面﹐我同Frankie (喂喂.. 佢係女仔黎o架) 餐餐都要泰﹐就算去到人家地部o既FoodCourt 都搵佢地o既地道o野黎食﹐都幾好味o架

﹐不過亦都有唔好味o既o野 (唔好話我無寧兩可啦﹐你係我就明o架喇!!) 另外﹐果日o既大雨亦幫我地去在一間地道o既小館子食晚飯﹐遇到好Warm o既 Family﹐口味隨意調較但依然好味﹐竟然連冬蔭公覺得唔夠辣都可加辣﹐一家幾口三代同堂﹐連Grandma 講英文都郎郎上口﹐哈哈... 廚師係阿仔﹐煮o野出黎好味又賣相靚。

 

 

臨走果日唔知係咪有咩團體來了酒店﹐餐廳食早餐o既人很多﹐D Waiter都執唔切枱﹐同埋哩一日o既早餐求其在好多﹐某一日有格仔餅食(巧手工同時間D)﹐但果日變在係炸蛋汁麵包(駛唔駛咁求其啊???)

﹐Oh My God...

 

 

好﹐由於有大量相片o既關係﹐我會分開一件一件事去Post 格﹐希望你地有心機慢慢睇﹐睇下你地感唔感受得到其中o既一D放假o既感覺啦!!