CDL揀衫

我地仲有張Upgrade在o既CDL Coupon要影o丫﹐影埋哩張就收工喇﹐尋日大雨滂沱o既時候﹐二人緩緩咁轆去CDL九龍塘。

 

 

一入大門道明來意﹐Sales姐姐就帶我地上二樓睇相簿揀衫﹐一上到二樓就見到我想試o既果件紫紅色晚裝有個女仔著住等映相 ﹐後尾入在去枱面同阿麵講起﹐但佢竟然睇唔到!!! 都算佢啦﹐目不斜視係好事黎的!!!

 

 

四本婚紗四本晚裝﹐Oh My God... 佢D相簿認真救命啦﹐有無得再殘D﹐D衫款又映得肉酸﹐婚紗果本用真人Model果D相﹐唔知係咪部相機像素太低(用手機嗎?!?!)﹐曬出黎走晒色；晚裝果本仲攞命﹐有咩理由用一個銅色o既公仔黎著住件衫﹐唔用真人Model都好心用白色o既公仔啦﹐仲未計張相o既Background都係啡色﹐撞晒o丫!!! 攪到張相好肉酸化。咁大間公司﹐哩D設備都唔肯投資?!?! 點吸引人地黎Join呀My GOD~~

 

 

其中一個例子係﹐其實好靚就講不上﹐不過有D款未試過就老水都試下先﹐我勉強填在幾個Number之後﹐見我坐緊後面有件衫個Feel 好似上次陪Annie時係Zara睇到果件晚裝咁款﹐上身白色下身灰色﹐咁心思思想試埋啦﹐咪問Sales姐姐哩D揀唔揀得啦﹐佢話得﹐你無寫Number嗎?? 我話﹐相簿無喎﹐佢話有!! 仲即刻搵出黎我睇﹐Oh.... 屎﹐本相簿果張相同實物o既距離簡直係十萬八千里呀!!! 叫人點揀呀大佬~~ 同埋問佢點解無Suki D衫﹐(好心啦﹐有邊個會唔問o架﹐自動自覺啦! ) 佢先至施施然拎Suki D相簿我睇。

 

 

前後試在十一、二件衫左右﹐婚紗試在五、六件左右﹐連明知會突顯我壯健手臂o既都試埋﹐我係唔打算揀o丫﹐但係我要攪攪震!!! 婚紗唔算難攪o既﹐最緊要襯o姐﹐因為係白色﹐無難度!! 但晚裝我就勁喇﹐乜色都試晒咁滯﹐Suki青色裙、Suki蝴蝶裙、Suki橙肉色裙、另加黃色裙、上白下灰裙、八八掛掛乜都試﹐唯一我最有興趣的果條紫色漸變色裙Sales姐姐話有客人著緊映相﹐留起俾我映相果日再試!!

 

我揀在上面哩件!!

 

上面哩件我明知會突顯肚腩﹐但想試﹐Wow... 試在個肚腩仲要係勁突!!!

 

 

哩件做晚裝﹐不過Sales姐姐會留番件漸變紫俾我果日即場再試!!

 

 

此為我所指o既上身白色下身灰色裙o勒。(原來係黃色黎)

其實我好有興趣o架﹐不過麵唔鐘意。

 

 

忠告：羅浮宮你快D做下裝修同埋攪攪D相簿啦﹐你唔攪就真係趕客o既行為呀! 我聽見隔離試衫位果個小姐問你地o既工作人員有關D衫o既問題﹐佢竟然答『係呀﹐D衫十年o架喇!!!』究竟佢係有信心件衫可以十年常新﹐定係我地o既眼光停留係十年前呢?!?! 唔怪得宜家好似多D人去FB或ML映多啦。