係箱根番黎﹐有D攰﹐所以今日都係晏出動!
起身﹐十點幾﹐有雨﹐我地第二日去過食『無敵家』﹐但Order錯在麵﹐所以我話不如趁早去一去睇下有無人排隊﹐如果無人排﹐不如以『無敵家』當早餐啦﹐如果正餐時間要排長隊的話﹐你都咪攪我﹐麵話都好喎﹐去睇下先。
去到!! 我終於見到無人排隊o既『無敵家』喇! 仲有人入緊去食﹐行快D啦!!!! 點知過到馬路﹐正想行入舖頭之際﹐店員就出黎示意請先等等；噢... 要排一陣添﹐不過排一陣都好o丫.... 今次誓要食到想食o既湯拉麵不可﹐今次真係指住一碗湯麵黎落Order了!
等在一陣有得入去坐喇﹐正正~ 等在一陣D麵就黎喇! 今次無叫錯了﹐嘻嘻﹐唔知點解阿麵今次咁重手﹐一 Order就Order在碗有五片肉o既拉麵﹐平時佢好少係咁o架! 我今次要三塊就Ok喇。嘿嘿...
食飽﹐出到門口已經見到果條例必出現o既人龍﹐好彩我地黎得快!
今日o既行程係宮崎峻三鷹美術館﹐早早已經係香港買定飛﹐好彩佢地香港Agent就係Gateway﹐某日放工飛奔過去買的；如果無預早買﹐佢地可能無即日門券﹐同埋係境外買哩﹐可以唔駛限入場時間﹐咁梗係早早買定著數啦。
係JR站﹐見到佢地好多蛋糕店﹐好靚呀! 點解香港無哩D店呢? 定係平時近在只呎所以無留意 + 隔離屋飯香?! 哈....
上網有話係JR站出黎可以行去的﹐不過﹐落雨落到咁都無咩心機欣賞唯途風光﹐拿拿林搵個站頭撘專車好過啦﹐唔算太難搵。排隊時就要買定飛﹐買來回平D﹐反正都無心機行﹐梗係買來回啦。佢地架專車都係有宮崎峻o既公仔﹐黃色好Sharp!
去Counter換入場券﹐張券好Cute呀! 不過... 入場後又係唔准映相‧‧‧
勉強偷映在一張佢地大堂、同埋小朋友樂園裡面o既貓巴士﹐連我都想入去玩埋一份!
天台就有『天空之城』入面果隻機械人俾我地隨便映!
離開之後﹐就係吉祥寺行在小小﹐因為佢都係有櫻花o既公園之一﹐不過是日真係好大雨﹐落到有小小心煩。唔知聽日去上野公園﹐會唔會又要拎住把傘呢....
回程番去三鷹站喇﹐好凍﹐所以買在罐咖啡﹐o丫.... 日本咁鬼乾淨﹐乾淨到連垃圾桶都無咁好o野o架哩﹐哩個真係一個迷‧‧‧幾經辛苦先至見到o既回收箱一個。
然後去在涉谷行﹐明明Weekdays黎格﹐點解可以咁多人o架! 同埋佢地好似勁興透明傘﹐男男女女都係o架喎!
其實我地係三鷹美術館都玩在好耐﹐黎到哩度﹐又係食晏時間o勒﹐我地今次見附近應該有一蘭﹐好多人o既Blog都曾經提及﹐等我地又試下先! 落到去發現原來佢地就係果D一格格o既餐廳﹐哩... 一人一格﹐一個人唔駛被迫同人眼光光你眼望我眼果D哩；首先要係門口自助售票﹐然後入去搵位坐好﹐店員會俾一紙你﹐按你自己喜愛o既口味去加加減減配料。
哩度真係好盞鬼!
然後去在行街街﹐行完一大輪﹐又轉戰原宿! 兜兜轉轉﹐終於去到Kiddy Land!! 其他o既o野乜都唔駛睇﹐Snoopy!!! Woodstocks!!!! 你地係邊呀?!?!
搵到佢地﹐Shop在好耐唔願走哩! 擺低在D錢﹐拎在D精品﹐哈哈.... 走~~~
然後樓上有龍貓! 嘩!!! 好大隻﹐盛惠92400 Yen! 差唔多喇....
阿麵都係時候肚餓﹐經過銀座 (燒墨魚丸店)﹐整番四粒先!! 你咪話﹐係香港我都無幫襯過『築地』呀!
最後我地番池袋﹐試另一家迴轉壽司店! 哩次有講國語o既店員姐姐幫手﹐慳番我同壽司師傅o既溝通時間!! 悟.... 都係上次果間好味D!! 我地兩個都覺得果間食得舒服D。
最後﹐燈燈燈櫈.... 是日甜品!
