新砧板

初初入伙時﹐我地兩個不知就裡﹐是是旦旦買塊竹砧板番黎﹐但早排黃梅天時﹐一個唔該﹐一晚之間勁發 Mo! 明明早一晚仲用過無事無幹﹐然後話變就變﹐第二朝發Mo到好似十年無用過o既一樣。

 

阿麵上網Check哩個係咪好多人會遇見o既問題同埋係唔係可以清理到﹐都見好多人話用漂白水浸﹐咁我地又試下.... 不過﹐其實我地覺得用漂白水浸都幾驚嚇!

 

浸完之後﹐無錯D Mo係無在﹐不過砧板浸過o既部份漂到淺色在! 但網上面D人話係咁清潔o架喎...﹐仲話之後佢地一樣可以照用可也﹐同埋好似以前我都見過小墨媽咁整。

但我唔係好敢掂曾經浸過漂白水o既部份﹐近日阿麵見發Mo o既跡象係砧板o既頂部出現﹐我地決定投降喇﹐買在塊新o既番黎‧‧

認得佢嘛?? 無錯﹐係惠康賣緊果塊! 交接儀式進行中~

 

阿麵話連惠康D Sales姐姐都話估唔到哩塊砧板好好賣﹐咁模上手佢真係好有質感o架。