#$@%^$&*# 都唔知話你咩好!!

從前剛開始係宜家哩間公司做o野﹐真係覺得都唔錯o架

；想當年位於上環地鐵上蓋﹐番工就算落雨﹐出地鐵遮都唔駛開就番到公司

﹐雖然我地只有Manager才有房坐﹐但偶爾都可以走去問Manager o野時睇睇維港景色

﹐街出面落雨淋定當頭曬唔駛估估下

；可憐被賣後(同其他同行公司合併)流落葵涌﹐靚靚白領變身猶如工廠女工

﹐但爛船總有三根釘﹐公司附近食店都有好幾間﹐回家車程只需三十分鐘﹐早上仲有小墨爸專車送達

﹐雖然沒有了Elegance o既感覺﹐但依然可以令我覺得『還可以啦』!!

 

 

誰知道人算不如天算﹐再次被賣的時候﹐會係一個係市區但荒蕪到不行o既地方 - 九龍灣沿海地

。附近百樣無、的士唔識到、提款機無一部﹐身無分文o既時候分分鐘飯都無得開啊陰公

(因自己大廈都仲有一個食堂)﹐烈日當空或微風細雨都會令人痛不欲生﹐因為... 落雨淋死

﹐好天曬死

﹐唉.... 習慣了後就是跟自己說o既一句... 算擺啦...

 

 

從前到這裡的時候真的好唔慣﹐Office四周無窗只有牆﹐附近無街可以行﹐電腦唔准上網﹐想當年還好未算好熱切於午飯時去網遊﹐所以我地一係睇雜誌﹐一係午睡﹐再不是就繼續工作再工作﹐後來因為要到客人的網頁做o野﹐才有幸於公司成為有得上網o既員工；直到現在﹐於午飯時候看網上報紙、看人家的Blog、查電郵﹐非常忙碌

。但.... 竟然‧‧竟然佢宜家Block在Yahoo! Blog同Hotmail喎!!

我明白公司資源不是用來做自己事﹐但IT部o既規矩真的... 真的... 要為他們拍爛手掌

﹐但你們別以為他們有這個限制時公司系統就會好好﹐相反﹐不到幾天就壞Server、Lost Email﹐無日無之﹐今年年頭某次Server更全死了一個星期!!

唉... 今次Block了某D網頁﹐我真係無晒趣味﹐都唔知遲下會唔會Block埋網上報紙﹐天文台添!!!

 

 

死啦﹐宜家剩番夜晚番屋企先可以check email 同睇人地D Blog﹐D時間真係唔多夠用添~~