遲來的生日飯

雖然相距630已經成個月﹐但我仲有生日飯食。

 

 

早排『媽媽』病了﹐所以唔可以出來食飯﹐終於尋晚現身了

。相約係銅鑼灣(竟然我我會提議係銅鑼灣食飯)﹐一邊傾計

﹐一邊吹水﹐『媽媽』講俾南南o既精靈反應攪到哭笑不得

﹐講阿東乖乖 o既舉動

﹐講佢公司o既八掛事﹐一直我都覺得好得意。

 

 

『媽媽』其實係我以前o既Supervisor

﹐不過辭職多年﹐為家庭、小朋友﹐寧要陪伴家庭o既時間而放棄高職厚薪

而轉做小小Receptionist﹐我一直都覺得佢好厲害

。大部份人講就易、做就難﹐難得『媽媽』一講就做到。點解會叫佢『媽媽』呢?? 因為佢真係好『媽媽』

﹐佢對待我地就好似媽媽對子女咁﹐雖然我地極其量只可以做到佢個妹﹐但.. 我地依然唔會改口﹐『媽媽』前、『媽媽』後的叫佢。希望佢樣樣都開開心心啦!!

 

 

哩餐飯本來我覺得AA就算啦﹐但『媽媽』同小妹妹(叫係咁叫啦)係都要請﹐呵呵.. 我.. 免費。

 

 

今晚又去在張醫師度推拿、針灸﹐宜家整整下﹐有時覺得『你針啦、你針啦﹐針完我會更舒服。』就好似上癮咁樣﹐不過﹐都唔可以咁o既﹐醫師話針先至針o丫嘛。不過今晚我叫佢俾我睇下支針﹐噫... 好攪鬼啊﹐長果支原來都有成四吋長﹐我係樹諗﹐中醫真係博大精深啊!!