琪琪佗住小寶果陣﹐卞路里Suggest 我介紹她用係媽媽世界買的妊娠紋o者喱﹐宜家到自己要用時﹐當然不猶豫﹐買番支先....
係媽媽世界那Auntie話﹐6 Week 就要換內衣﹐咁快?!?!!
或者... 我先換在底底先吧.... 比較緊~~
2011年8月15日 星期一
2011年8月14日 星期日
3 Week 3 Day - 發現了!!
上星期日同幾位 1226 姊妹食下午茶﹐其實再早兩天我已經知道 Chu Chu Bingo了﹐但當然留番俾佢自己決定宣佈定唔宣佈﹐佢言談間都承認了﹐並說我有跡象也似 Bingo所以叫我戒口﹐但我推說話應該唔係啦﹐總覺得又係食炸糊所以唔想Check﹐佢地幾個都催促我番屋企好Check 一 Check﹐叫我唔好慳 Clearblue 的錢﹐其實唔係慳﹐不過總覺得應該會幾番轉折我同麵地先至會有機會做爸媽﹐所以唔想期望咁就無失望啦﹐不過因為Chu Chu 查問過我o既狀態佢覺得我都係Bingo﹐所以先至咁緊張﹐最後我應承佢地我乖乖地第二朝Check喇。
多謝Chu Chu﹐第二朝check﹐ClearBlue顯示 Pregnant 1-2﹐多謝她比我緊張﹐令我咁快就知 BB 在肚裡﹐否則我究竟幾時先會知呢??
我都係做事的急先鋒﹐當一件事想做的時候就很想即刻完成﹐但如果覺得唔急o既o野我係可以拖...... 字訣很久的﹐今次事件上﹐我都有小小心急﹐所以以晚就去搵醫生確認一下 + 寫紙排婦產﹐可惜﹐剛第 4 week (由Last period 開始計) 又非晨尿的我驗不出東西﹐但醫生說既然我自己 Check 到已 Pregnant﹐咁可能係 HCG 水平仍很低﹐所以甚麼也 Check 不到﹐但叫我過一星期再去﹐他會免費幫我做多一次測試。
係哩個星期裡面﹐我除在叫自己小心點之外﹐我甚麼都做不到﹐還好有緊張大師 Chu Chu﹐她給了我很多資訊參考﹐雖然她在日間真的可以最少都每一小時一次電話﹐但我真心知道她是緊張、和她不吝嗇所知o既資料話俾我知﹐雖然她有些做法我不認同﹐但我絕相信她是一個大好人﹐她連我所進食o既葉酸唔夠都計埋﹐好厲害。
星期五去遲 ec 度﹐條友仔好似趕收工但都交足戲﹐明明聽到D姑娘問我黎睇乜﹐又要問我有無好消息俾佢﹐又話唔駛煲藥住、咁早煲藥浪費心機﹐咁典解Chu Chu 就可以煲藥呀?!?! 唉... 不過算啦~~ 佢攝在期俾我兩星期後再睇﹐咁.... 佢同D姑娘一齊恭喜我係幾開心o既....
星期六﹐我再去醫生度測試﹐今次晨早留起了小便﹐醫生終於都Confirm喇﹐見到佢果條驗孕試紙﹐真係覺得﹐我自己落去Watson's 買支ClearBlue 俾你check 仲抵﹐最少ClearBlue 平D又Sensitive D。
驗到之後﹐醫生出信啦﹐咁我問醫生駛唔駛食維他命果 D o野﹐佢話睇唔到有咁o既需要﹐又一次證明公司卡睇醫生真係果求其﹐維他命哩D 你開我咪俾錢囉﹐就咁答我無喎﹐算! 我下星期去婦科醫生度問佢拎。
拎在懷孕證明就雞咁腳去廣華登記埋﹐可以免的話我唔想Weekday 請假去囉....﹐好彩一早問在係邊度登記﹐否則烏 sir sir都唔知要搵幾耐....
登記要有住址證明、夫婦身份證同埋懷孕證明書﹐當然我地一早帶晒所有o野去。
最後姑娘派在兩張紙俾我﹐一張係Oscar Test日期預約﹐另一張係第一次產檢日預約﹐Oscar會係 Week 12頭、第一次產檢就會係 Week 16﹐我應該屬高齡所以會有埋結構Check﹐但姑娘話要做完Oscar 先至會有得排結構Check。
雖然當日朋友晴晴媽係廣華有不愉快經歷﹐但其他朋友都大讚廣華好好﹐所以最後我都揀廣華﹐唔揀我出世的QE﹐更唔揀威記﹐唔知點解﹐我對威記無乜信心。
有時有D o野真係好橋的﹐原來媽媽話施太見我晨早係旺角出現但無叫我﹐我心諗... 你係咪見到我係廣華行出黎咋﹐不過算啦﹐屋企人無理由唔講﹐但叮囑在媽媽千期唔好同其他人講；其實我o既諗法唔係小氣﹐而係未足三個月時真係樣樣都唔穩定﹐我唔想同其他人講在﹐有乜事又要同人解釋﹐如果我已經唔開心﹐大家o既關心可能只會令我更傷心。
2011年4月20日 星期三
2010年9月25日 星期六
『開心』解
『開心』解
快樂，粵語為『開心』，人所追求。但不少人難得快樂，窮困不快樂，到富裕了也不快樂，因為煩事太多，勞心勞力，少有開心。
快樂有沒有法門？有。很難，也很易。盡量使自己的心胸開闊，這就是修行，這就是『量大福自大』。何解？心量愈大，煩惱愈少；反之，心量愈小，煩惱愈多。你看周圍，凡是眉頭緊皺、谷氣、整天在抱怨、經常說「小人多」，就是心量小者。心量小，一觸就跳，一句話就耿耿於懷，怎能開心？窮時苦，富了也苦，一輩子苦，何苦來哉？
『開心』這個詞就教你，把心打開，只有開，才能大。只有大，才會開。
如何才能擴大心量？有一個法門，曰︰『虛空觀』。你仰望太空，盡你的能力想，時間無始無終，空間無邊無際，地球只是太陽系中小星球，太陽系只是銀河系中一點，盡能力去『觀想』，你作這樣的觀想，再回看自身，我只是地球一小點，把自己放在時空及歷史長河中，再看你的所謂煩惱，變成雞毛蒜皮的事了。你值得為之生氣，值得為之浪費青春嗎？當你把個人看得很大時，心量就窄，當你把個人縮小時，心量就寬。
十多年前返港，飛機在上空時，看中環、看屋邨，像小積木；車、人像小螞蟻，從高處俯視，所謂豪宅、名車、名牌、鑽戒、名氣、爭鬥等，平時很大，搞到心中不安的念頭，頓時失去意義。這也是觀想。
我們人一生下來，就有念頭，念頭不斷、煩惱不斷，有的人去學打坐，其實是很難克服雜念的。順勢而為，我們提倡《金剛經》講的「極善作意」，比如作『虛空觀』、「緣起觀」，通過觀想，把雜念導入正軌，這樣就會打開心扉，開心，即開闊心胸也。心胸開寬，煩惱自然就少了。
心身健康。此為『開心』解。
其實無啦啦點解咁耐唔寫Blog﹐一係唔開﹐一開就一篇咁o既文﹐其實係尋日同同事 A 傾開同事 B 近哩幾月心情不佳﹐但 B 她很努力為自己找出路﹐我地又覺得佢行o既方向錯誤﹐但又覺得無方法幫到她﹐唯一可以做的是當 B 失意需支持時借出肩膀一個﹐所以今日在網路上找到這篇東東就有點感觸﹐雖然我沒有跟告訴 B 我Blog的存在﹐但希望有一天她在網路上遇上同一篇文章。
2010年8月17日 星期二
亞茂整餅之脆脆黑森林
新哩一年公司越來越多活動﹐上次有打羽毛球班﹐但我無參加﹐繼而今次係亞茂整餅! 其實上年公司都辦過一次阿茂整餅活動﹐不過果次抽唔中無得玩﹐今次因有三班o既關係所以抽中率高D﹐哩三班包括整『Blueberry Cheese Cake』、『脆脆黑森林』同埋『楊枝金露』蛋糕﹐由於我唔鐘意食 Blueberry的又楊枝金露又玩過﹐所以我同D同事集中報名『脆脆黑森林』﹐亦好好彩咁我地Dept都幾多人中簽﹐多幾個buddy一齊玩。
我地四個最早到﹐以為要等其他人﹐點知師傅話唔好迫埋一齊﹐開始住先喎....
其實課室好細﹐又窄﹐每每有人行過都要一齊側身囉。
將D配料加落兜裡面。
要按份量喔~
然後打到佢一 Pat o野咁‧‧如果無哩個打蛋器﹐你都咪預我會玩整蛋糕囉。
然後就要拎去焗﹐焗緊o既中途好多同事先至出現﹐快人一步會唔會理想達到哩? 噢賣吉‧‧My Cake爆裂囉‧‧‧
然後師傅幫我地切開個蛋糕﹐再叫我地一層一層加Cream同料。其實個師傅完全無提過個蛋糕底要用幾度火焗幾耐囉‧‧‧
先有脆脆底﹐再加一層o者哩o既物體‧‧‧
賣葛 the 2nd﹐個蛋糕崩在!!!!!! 唔緊要﹐一陣用Cream填在佢!!
再係面加Cream...
再來加古古力...
表面好似好有秩序﹐其實亂o即一通!
當眾人仲係樹焗緊蛋糕o既時候﹐我地四個已經去到哩個境地‧‧
然後加生果﹐但有個笨蛋竟然‧‧‧掉轉在D生果放上面﹐天啊.. 我個腦裝乜o架?!?! 無呀... 笑到D同事肚痛之嘛~~~ 
今次整番好喇~ 大功告成!!!
但我即晚無食哩個蛋糕﹐心理上覺得﹐要雪下先‧‧唔雪怪怪地o架‧‧不過到星期六食o既時候﹐D脆脆都唔脆o既.... D士多啤梨都麻麻地‧‧
後記：
其實哩個蛋糕班o既主持人認真唔好﹐成日話我地唔聽話自作主張﹐其實佢無講解﹐我地又外行人﹐點知咁多o即﹐錯在咩﹐又話人貪心、又話我地唔知咩人黎﹐係我地四個走在之後﹐聞說現場學員與老師火藥味甚濃﹐有人個蛋糕仲慘成發憤o既對象﹐俾師傅係唔爛o既情況之下怒擲在檯面﹐其實我覺得佢Capcity跟本唔可能一次教20人﹐主持人又無耐性﹐你咁樣除在趕客真係無話可說。
2010年8月16日 星期一
訂閱：
文章 (Atom)