上星期四買菜時見有四季豆﹐係賣菜嬸嬸努力遊說下買在D番黎炒﹐失常o既我唔知點解無將佢地劈開一段段﹐而成條就咁掉晒落鑊度炒。
雞柳購自百佳﹐原來公司附近間百佳D o野都算Ok﹐上次買在兩大塊去骨雞扒先至$15!
另外係麻婆豆腐‧‧用在豬肉碎同硬豆腐 + 李錦記醬料煮成! 仲要俾麵潤在句『肯用醬料咪幾好﹐唔駛堅持到差D連條蔥都想自己種咁滯啦』。(我‧‧
我都算失敗喇﹐係佐敦買o野咁耐﹐都唔知菜檔轉角就係豆腐檔囉﹐好彩同事話我聽我先至知!!
宜家感覺好攪笑﹐N年前係放工去行街﹐宜家係放工去行街‧‧‧市! 果日我同同事兩個係百佳團團轉睇買咩時﹐我覺得好好笑‧‧‧
雞柳四季豆：
先用鹽、糖、豆粉將雞柳醃一醃﹐鐘意的可加少量酒或胡椒粉之類。
四季豆應該要切一段段﹐頭同尾都應該飛在佢。
先炒雞肉然後兜起﹐然後再炒豆﹐D豆炒到七成熟再將雞肉倒番落去再炒。埋尾睇情況駛唔駛用獻....
切記!!!! 唔好學我咁豬唔記得將D豆切開呀!
豆腐：
網上Menu話要用硬豆腐﹐仲要出水﹐出水可以將佢地擺入鑊蒸10分鐘。(果然會有水出架喎!!! 
豬肉碎要用糖、豆粉、豉油去醃﹐唔好用鹽﹐聞說會『那』到D豬好實﹐但我其實唔Sure咁肉碎有無問題﹐Any肥... 咁繼續用豉油啦咁。
開鑊﹐加蒜﹐加豬肉碎炒﹐半熟再加入豆腐﹐再倒埋果包麻婆豆腐醬汁入去煮、兜! (究竟有咩辦法炒肉時唔痴底.... 有無人教下我?!?! 我已經熱在鑊先至落油同埋肉o架喇!! 
煮到收水得似似地樣就上碟啦....
﹐仲話之後佢地一樣可以照用可也﹐同埋好似以前我都見過小墨媽咁整。
