辦嫁妝

媽媽催在好多次.... 成日都話﹐要買被喎! 要買床單喎!!! 諸如此類。

 

 

本來佢話叫我自己買在先﹐鐘意邊D買邊D﹐今日晏晝佢又講﹐我就順便話：『你今晚得唔得閒?! 不如一齊去睇啦。』係囉... 其實有D o野我都唔識揀的....

 

 

首先去德福二期﹐因為有好幾間賣床上用品的店﹐之前係Natural Home見有一套幾Ok的﹐不過今次去.... 噢賣葛.... 唔得囉.....

 

 

然後再去Casablanca﹐媽媽望在幾眼﹐話D料麻麻地....

 

 

再去雅芳亭....媽媽話晏晝行街時見到有套紅卜卜有個囍字好靚的﹐然後好努力的搵番佢出黎。不過仲想睇下添....

去埋雅蘭﹐齋睇就唔錯﹐但那花紋太現了.... 商議一會... 回去雅芳亭買﹐決定要哩套啦!

 

 

然後揀埋被芯﹐係一堆被中間左揀、右揀﹐左試、右試﹐o丫... 點揀好o丫.... 小墨一向鐘意重重地o既被﹐但係重重地的就唔係最暖的﹐最暖的又唔重的﹐好難揀.... 然後打電話問一問油麵! (按：油麵工幹中﹐位於凍冰冰的寧波。)油麵初時話：『咁你鐘意邊種呀??』我揀到就唔駛打俾你問啦....然後他一句.... 『如果揀張唔夠暖﹐再加被﹐咪又厚又重?!』又係喎!!

 

 

終於買在張輕但暖的... 唔夠重先加被啦....

 

 

買o野有o野送.... 不過係兩個裝飾都稍嫌細的心型Cushion! (我其實唔多Buy心型的....)

 

 

然後.... 再去買現代樟木槓! o急是也.........

媽當然想買一些比較喜慶D的色.... 她想說服我買紅色﹐可是這系列沒有紅色的﹐紅色的是新款... 既然我無特殊喜好、紅色又貴﹐所以我就說這個就成了!!! 還是爸好眼... 拿回家後他就說.... 保護色哦.... 跟你家那牆一樣的! 又係喎!!!

兩日阿四

墨麵的窩由新曆七月尾開始動工﹐到今日﹐終於都入傢俬喇﹐好感動喔~~~

 

 

由於阿部寬執漏執得超慢﹐我同阿麵都無氣對佢﹐乜佢唔想收尾數o架咩? 點會黎到尾先至放慢晒手腳?! 係忍佢唔住o既情況下﹐上星期六confirm今個星期頭先清一次屋﹐然後星期三入傢俬﹐才再進行最後執漏。

 

 

星期一放工上未來新居﹐眼見只係清晒D膠板走﹐地下仲有一Pet生膠類物體漏晒係地下﹐心諗：『天呀... 咪話在約好星期三入傢俬囉﹐咁就叫做執在?! 想點?! 』阿麵一早已經請好假星期二做執屋仔﹐小墨眼見如此境況﹐當然無可能就手旁觀﹐乖乖地星期二晏晝都請埋假來做抹屋妹﹐星期三晏晝再請假同麵二人親手收傢俬；尋日抹在半日﹐心已經嬲阿部寬﹐連電話都費是打俾佢﹐叻o既連尾數都唔好收o丫笨! 尋晚離場時地板灰曚曚抹極都抹唔甩﹐心裡屈悶之極﹐覺得﹐咪以後腳踩地板都好像踩灰咁?! 對最鐘意係屋企赤腳o既小墨黎講﹐非常痛苦!

 

 

點知... 今日入到新屋﹐想開門之際﹐噫... 點解屋裡面有人對話o既聲音o既?! 開門正發現... 有兩位嬸嬸係樹進行全屋清潔! 發mo 阿部寬早講o丫.... 咁我地兩個尋日唔駛抹得咁辛苦﹐腰都酸呀陰公! 我地唔知點抹好o既o野﹐嬸嬸手到拿來的就抹好﹐我頭痕唔知點清o既膠紙﹐嬸嬸仲抹得好似好輕鬆添﹐唉....~~ 最緊要o既地板﹐當我地同嬸嬸講轉頭會入傢俬﹐佢地仲二話不說就即用特殊清潔濟同鏟﹐輕輕鬆的就將我尋晚耿耿於懷唔知點攪好o既地板係十幾分鐘入面攪好。我真係覺得嬸嬸們係最緊要o既時段出現﹐多謝多謝!~!!! 不過就好嬲阿部寬講o野天一半地一半﹐攪到我地用在大半日去攪嬸嬸們可能只需二、三小時就完成o既工作!!!

 

 

係嬸嬸們努力幫我地清潔地板之際﹐傢俬店送貨喇﹐o丫.... 佢地兩位師傅又幾好喎﹐一邊入貨一邊好小心咁幫我地就住就住﹐可能因為我地係度掛﹐佢地都幾小心﹐一件一件拆同安裝﹐我同麵就唯有企入廚房﹐好似去在動物園咁﹐隔住玻璃度望住兩位嬸嬸抹屋同兩位師傅安裝；o丫.... 係呀﹐因為我地個廚房幅牆﹐有一半變在係玻璃﹐所以Open Kitchen又Open唔晒﹐總之.... 煮緊飯同洗碗都可以繼續追電視劇啦!!! 我地好滿意我地哩個做法同埋多謝某報o既家居版﹐如果無記錯﹐果份應該係生果報來的﹐哇哈哈...

 

 

講在咁耐... 放DD清潔相俾大家睇啦。

抹屋二人組.... 被嬸嬸叫我地行入房﹐因為房剛抹好﹐叫我地稍等﹐唔好周圍行住喇....

 

 

嬸嬸們努力進行廳地板的清潔中!

 

 

抹好後的地板.... 會有些反光的﹐昨晚灰曚曚的消失得無影無蹤! 嬸嬸! 勁呀!

 

 

房間睡床安裝進行中.... 廳中一片凌亂....

 

 

遊動物園中....

噢... 無Lu.... 我映到哩度就停在手了.... 當然到嬸嬸們跟師傅離場後我地要再進行多一次清潔﹐因為傢俬在大陸工廠那邊都存放了近三個星期﹐很多沙塵哩﹐不過相對來說﹐實在比尋日輕鬆得多了....

落錯Order在元氣壽司

某日﹐去在元氣開飯﹐等位等在一個鐘﹐有無咁多人呀~~~

 

 

小墨拿主意﹐order想吃的壽司﹐元氣最近做緊電視框﹐有一部份的壽司做緊$9一件! 同麵係咁畫呀畫‧‧

 

 

Order來了.... HOW Come~~~~ 點解會變在Double份量o架?!

 

 

原來係我畫錯單﹐因為我將大部份的壽司當在係板長咁﹐全部以件計! 哩部份正確!

 

 

哩部份錯晒~~~

 

好彩都係兩碟錯姐﹐都仲食到o既... 如果唔係﹐堂食食到食唔晒攪到要打包﹐我諗係元氣﹐可能我地都係第一人。

忙碌的半日

今日都算動作神速啊! 做在三樣o野。

 

 

首先﹐要去律師度做手續﹐麵唔知醒﹐攪到遲到啦。

仲要遇上哩一種Lift﹐要係樓下一早按樓層的Lift﹐特慢﹐連按關門都要等很久。(按：老友﹐你公司那邊的那架會不會動作快一點點?)

 

 

手續很快就辦妥﹐都是交交資料﹐宣誓一番就可以了! 送了一堆Coupon﹐咁遲送﹐有什麼用?!

 

 

去完律師樓後﹐要去補買餅卡啦﹐所以要去Expo補買!! 怕晏晝多人﹐所以去完律師度就快快手過去Expo。

 

 

快快手買票入場﹐因為有Target﹐我一個進場就夠了﹐剩低麵係場外等我回歸。誰不知﹐買完出黎﹐佢竟然做了義工﹐幫手Set Up苗圃行動的Booth!

我初初以為係佢遇見舊朋友﹐但離場後先至講﹐原來只係因為佢企係人地個Booth隔離等我﹐但又見哩位先生一個人﹐才當起幫手來。失敗地唔記得係Set up好之後再補映一張相哩‧‧‧

 

 

離開會展就去午餐﹐然後前往Cake Square蛋糕試吃。行到了﹐好曬﹐身水身汗。

 

 

入面又真係幾靚喎﹐仲有一個個蛋糕擺係樹! 我地都唔sure是真是假﹐都係唔掂為妙。

 

先選一款茶﹐我揀了百爵茶而麵選了開心茶!

這碟就係試吃蛋糕了!! 讓我試試回想一下是什麼味道啦!! 最右開始應該係Strawberry海棉蛋糕、綠茶海棉蛋糕、栗子海棉蛋糕、朱古力海棉蛋糕、咖啡海棉蛋糕同埋牛油蛋糕檸檬涵連糖箱面! 每一件都會比之前濃味﹐咁先至唔會蓋過之前o既味道哩。

 

 

不過我覺得海棉蛋糕好似同一般連鎖糕餅店的唔係相差太遠! 特別係Strawberry味﹐好普通... 我大部份都係試一口﹐唔敢食得多﹐阿麵就叻D﹐多Quota﹐所以有D佢會成件食晒! 我個人黎講係鐘意牛油蛋糕連檸檬涵﹐個感覺好得意o丫!!! 不過塊糖霜哩.... 真係好甜喎...

 

 

跟據店員所指﹐店的蛋糕裝飾全都是真的蛋糕來的﹐只是因為放的太耐﹐糖霜都抽乾水份了﹐所以不會浴掉。外國的婚禮用的都是糖霜蛋糕的﹐最頂那層通常都會Keep一年﹐然後再拿出來同親友分享﹐最最最傳統的﹐應該頂層蛋糕係放到直至第一位孩子出世才吃的啊!!

 

很喜歡那牛油蛋糕﹐但... 又不太鐘意那糖霜﹐海棉蛋糕... 不用向Cake Square訂啦...所以﹐多數都不會用這品牌的蛋糕啊!!

樣樣都要準備Final喇!

哩個禮拜﹐開始收到各Vendor的電話﹐提醒我要去傾Final 喇!

 

 

第一間收到通知的係B&A﹐星期日晚就收到電話約我地去傾晚宴場地佈置﹐可憐麵要出差﹐將Meeting Delay到月尾‧‧‧

 

 

然後星期二﹐收到Trinice吳小姐電話﹐提我係時候上去揀款﹐好好禮貌﹐仲提我上去之前先電話同佢地講聲哩；無法子﹐都係要等麵番黎先有得攪。

 

 

然後今晚﹐輪到奇妙姻典喇﹐佢地首先Confirm我地去在律師樓未﹐我話未呀﹐黎緊星期六先至去呀﹐跟住佢就話咁同我約埋時間先﹐點知佢講親D時間又係麵出差時間﹐左改改右夾夾﹐最後在月尾的某個星期五晚去﹐但又唔記得問﹐Suppose由爸爸帶領入場﹐咁爸爸係咪應該都要到場?! 同埋要預幾耐時間?? 要電話再Follow Up。

 

 

早大約三個幾星期前將成長片段D相交在俾Elite﹐Ryan話Target 10號前俾Draft我睇﹐So nice~~ 不過心理上已經會預多D時間俾佢。

 

 

暫時有點Unknown的係姊妹裙﹐因為我揀的面布顏色Out Stock但佢地又搵唔到完全一樣的顏色﹐好驚唔夠時間起貨呀﹐我知譚小姐已盡力﹐聽日約在佢睇新色辦。希望順利啦。

 

 

So Far各Vendor都盡其努力﹐希望大家繼續支持落去啦。

今年第一餐邊爐

星期日晚﹐發現大量人潮係美心打邊爐﹐一望餐牌﹐驚見竟然有非牛類的火窩喎!

 

 

我真係有以為係自己o既功勞呀﹐因為我上年曾發Email到美心投訴﹐點解佢地o既餐牌上面樣樣食品都係以牛為主﹐像我這些不牛人﹐望住餐牌真係無咩好揀。所以驚見可以選擇雞或豬﹐實在非常高興。

 

 

今晚order在一份豚肉啦....

 

 

開爐!

係煮得慢在D﹐墨同麵都好肚餓喇﹐可唔可以學『食神』入面o既谷德昭咁﹐運功煲熟佢?!?!

 

 

食晒喇...杯盤狼藉...不過好驚麵唔夠飽﹐份量實在有點古怪﹐一人食多得滯﹐二人食唔係好夠哩。

香噴噴糕餅

今日去開旺角買o野﹐臨走時覺得想食東西﹐但食乜好呢?!

 

 

途經旺角道某名不經傳的餅店﹐糕餅香氣周圍飄....

有人駐足觀賞﹐究竟食乜好呢?!

 

 

好抵呀! $2一個小糕餅....

 

 

還有剛出爐蛋撻!! 麵即時說要一個‧‧

 

 

我唔可能吃得多呀‧‧‧唯有呼籲麵叫佢幫手幫手每件一半、甚至更多﹐雖然佢其實好唔鐘意食飽、餅類食物。

幸好都算是迷你版﹐買了一件叉燒酥、一件蝴蝶餅、一個老婆餅同埋一個蛋撻﹐好香o丫.... 所以嘛﹐有時哩D小店賣的東西比連鎖店更好!