俾你累死喇‧‧咖啡!!!

我公司係德國係有好似Starbucks咁樣o既Coffee Shop﹐所以我地公司都有咖啡機﹐可以隨意飲咖啡﹐可以選擇o既味道都有好幾樣...包括... Black Coffee...White Coffee... Espresso... Cappuccino....Cappuccino Choco....Cafe au Lait﹐鐘意o既﹐仲可以選擇朱古力熱飲添!

 

早前已經知道﹐哩部機 D朱古力係超肥﹐係增肥精選﹐所以我一直都無飲過﹐怕o架嘛‧‧之前未試過其他﹐就一直只飲Black Coffee﹐可以去水腫添!! 不過自從有一日非常好奇咁飲在一杯Cappuccino﹐自以為唔加朱古力、只加三分一匙黃糖就無事﹐但已經出事喇!!

 

雖然唔係肥到超明顯咁樣﹐咁塊面哩... 就肥在囉... 最衰就係我同麵講我好似肥在﹐佢先話﹐係囉.. 你哩幾日塊面好似有肉地在... 攪錯呀!!!! 做咩唔早D講呀!!!

 

 

所以嘛.. 被Cappuccino跣在一鑊o既我﹐雖然係公司依舊口痕﹐但立時轉飲熱茶﹐同埋早餐要Day Day麥皮至得喇!!

 

今晚約在個朋友去做運動﹐無錯﹐我又回歸Physical的懷抱喇﹐無辦法啦﹐齋節食係唔夠o架﹐還好朋友referral的優惠係$500半年﹐一夠期就唔會再繼續o架喇﹐希望係黎緊o既半年我可以勤勤力力啦。

油麵買Contact Lens之行

因為遲下要去映相﹐咁為安全起見﹐我拎在麵去買一幅只有框o既眼鏡同埋學戴Contact Lens﹐係o架喇! 明係迫o架喇!! 無法啦... 無理由係張相度睇到哩個大近視幅眼鏡同塊面o既折射度o架嘛!!

 

 

由於眼鏡舖地點只係屋村店舖﹐選擇未必好多﹐同埋款式可以唔會好In﹐學生o岩o既款可能多D。

 

 

買在幅盡量同佢戴緊果幅差不多o既眼鏡...

已經盡量買o架喇﹐因為唔想同平時相差太遠‧‧

 

 

雖然好似﹐應該看的出那幅是新的、那幅是舊的吧?!

他很努力的學了差不多半小時﹐可憐啊... 但沒法子.... 加油呀!!

 

 

同行的我﹐還買了兩對『大眼仔』來玩﹐唔知隻眼係咪真係大D o架哩?!?! 希望幫幫我這豆豉眼啊!!!

 

後記：看來... 我將會是幫麵戴Contact Lens的專屬人員呀! 因為... 他覺得戴Con係SUPER SUPER SUPER煩呀!

張總的生日K Lunch

星期五係張總牛一﹐祝佢快點成家立室啦!! 咁佢快D結婚﹐咁我第時就可以唔駛派利是俾佢喇﹐嘩哈哈....

 

 

尋日同在佢去K Lunch﹐一行五人係港晶 Neway﹐以為有Lunch Buffet﹐原來只係睇特定餐牌落order﹐選擇‧‧一般啦﹐還可以o既...

 

 

去K之前﹐同Carmen miss係街邊食魚蛋﹐見果間餐廳有滔滔介紹o架喎!! 真係咁正?! 咁係佢門口﹐見有部機寫住冰鎮奶茶﹐見只係八蚊﹐咁我又無食魚蛋﹐咁咪買一杯﹐試下咁囉... 點知﹐間o野收完我錢之後﹐佢地拎隻有冰o既膠杯幫我加奶茶! 車!!!! 咁點算係冰鎮喎~~~ 被騙了 $8。

 

係K Lunch﹐餐牌上o既選擇一般般啦﹐咁我見隔離房點了一個三文魚沙律﹐個樣唔錯咁﹐咁我就點哩個啦。

點知果堆沙律 over 80%都係薯仔黎o既﹐對於我哩D非薯仔喜好之士黎講就唔係好o岩食喇!!

 

 

Neway宜家個點歌o既system轉在版面﹐好難控制哇... 不過我宜家少去K ﹐可能下次去又唔同在款Lu。

裙褂

尋日晏晝﹐同媽媽、契媽 + 加埋臨時得閒o既嬋Auntie去睇褂。度度、人人都話唔好再等喇﹐如果俾人Book晒心水褂咁就大件事喇 !! 拖下一個星期、拖下又一個星期﹐終於尋日去啦。跟據之前同麵Pre-Visit﹐選定在三間俾佢地睇﹐分別係『美華』、『永隆』同埋老字號『冠南華』。

 

 

首先去在『美華』﹐老闆娘鄧太好好人﹐一開始就問我地想要乜﹐咁我地都唔識邊款打邊款﹐所以只係話﹐唔係好識呀﹐金銀線啦﹐唔好太多咁啦﹐然後鄧太就拎在一件俾我試﹐Wow﹐媽媽、契媽同嬋Auntie猶如兩眼發光﹐不停地超讚﹐又話好靚、又話新又話襯﹐但當時小妹都唔係想要咁花o既﹐所以我就向鄧太表示﹐想試件無咁多Pattern的﹐咁來一件小五福﹐著上身﹐三位媽媽輩就眼光都立時無晒神彩﹐話哩種無咁大方得體﹐之前果件好好多﹐又話哩D款老套D而我又著得成熟D (我最唔想o既o野) 然後媽媽再說有朋友叫我試試看『八喜褂』﹐其實一聽我唔多鐘意哩種﹐因為我之前Pre-Visit已經知道什麼叫八喜﹐就係上身件衫﹐夾埋總共有八個喜字的﹐我最唔鐘意著D字上身﹐特別係中文字﹐不過即管試試啦。還好試完媽媽都唔係咁鐘意﹐所以唔會想說服我揀。不過因為哩一度係第一站﹐所以打攪完鄧太﹐都唔租住。不過由於三位媽媽輩大量Comment﹐鄧太好似有點不耐煩﹐我地攪到咁耐無幫襯﹐不過.... 我都認同係媽媽們說了一些不該說的﹐才會令鄧太不悅﹐在此我隔空向鄧太講聲唔好意思。

 

 

然後向永隆進發﹐其實媽媽們已不停說第一件試的有多好﹐所以我都有心一跳就直接去冠南華﹐不過三位媽媽輩正說的興起﹐話行一陣無所謂﹐咁行就行啦﹐去到永隆﹐劉姑娘係店﹐咁直接問劉姑娘說想睇褂﹐見相簿有一款我覺得那新娘穿的很美﹐就說想試試這一個﹐誰不知她拿了一件Size很大的給我試﹐穿上去很大件又很像黃金戰士﹐媽媽不喜歡太多金線的﹐所以就說不好﹐然後再試另一種﹐這一次輪到我先說唔鐘意﹐契媽覺得她不夠老實﹐因為開價說$790﹐多問一句就變成$690﹐所以試過兩件後又離開了‧‧其實這時候媽媽們還是深深記著第一件。

 

 

去到冠南華﹐因覺得上次那嬸嬸很好人﹐所以就想搵番佢﹐都等了差不多半個鐘呀! 但這半個鐘﹐看見另外兩位新娘子係度試褂﹐有一個新娘子試在十幾套都有喇陰公﹐媽媽話佢地試咁耐都很有耐性﹐反而我是看到﹐應該是那長輩級的有要求才會試那麼久﹐媽媽才說『啊! 咁那應該是奶奶來的﹐如果是媽媽﹐那女的應該很多說話才對。』真是媽媽級才看得出的事啊!!

 

 

冠南華的廚櫃有很多o野睇‧‧‧

仲有繡花鞋﹐一套套杯碟﹐媽媽說有一套百多元的好靚... 係就係好靚﹐但最緊要之後用唔用先?? 唔用的話就平平地買一些用完掉埋一邊都得o既咪得囉。

 

 

到我試喇﹐群姐拿了一些給我試﹐但看來群姐的看Size都不大準確﹐每一件都總有些地方是不合身的﹐還有媽媽們覺得以他們店的老字號跟價錢﹐不應該拿出來的都那麼舊﹐契媽還看得出有些裙腳有點黑黑的﹐不過我懷疑那伯伯幫那試了十多套的新娘留著了很多較新的款式。另外﹐媽媽們其實她們依然心儀係鄧太那邊看的那套﹐那既然媽媽們喜歡﹐我都覺得Ok的﹐那幫我省荷包的那當然最好吧!! 所以打攪了群姐三套﹐就說要再想想﹐其實是打道回鄧太處Confirm了!!!

 

 

打攪了幾小時﹐最後還是回第一間鄧太處租哩!! 其實回去後再三看看﹐我都覺得哩套幾好﹐但由頭到尾都無估過﹐自己最後選的﹐是大五福。另外﹐這次有媽媽們自己看﹐她們看完又說不用找平腳款了﹐可以選蓮花腳的﹐因媽都說蓮花腳的好看很多。你說吧... 很多時都是講一套、做一套的﹐所以選褂這一還﹐都係留番佢地來幫手選好D。

絲花球

四月頭就去映Pre-Wedding﹐係時候去訂一個花球黎映相喇。

 

 

哩幾日上網上到傻下傻下﹐其中一個目的就係搵o岩o既花球﹐宜家應該會去一間叫Trinice o既花店度訂﹐款就要聽日先至決定﹐但都圍繞住某種款去揀。

 

 

哩D都係網上面搵番黎o既款﹐黎自各唔同o既網頁﹐包括『寵愛』同埋『Gloriosaflorist』的! 另外我睇在o既仲有Trinice Flower、秋子花藝等等‧‧

訂一個大約係二星期﹐聽晚去﹐趕得到呀!!

 

 

哩個花球係會係Big Day拎黎掉花球o架!! 哈哈‧‧‧我果日用咩?! 我梗係會再訂多一個鮮花o架啦!! 有花香開心得多、同埋我夜晚都仲要用o架嘛!! !!!

嘉賓名單

今日有朋友問我﹐我擺酒時o既嘉賓名單﹐會唔會包括某D朋友咁樣。其實仲有近300日(因為ESD有meter﹐日日Count)﹐我又點會咁快就確定得晒﹐有咩人會請﹐有咩人唔會請呢?! (咁當然基本上已經有格o勒)

 

 

我又怕已經幾年無聯絡o既朋友﹐一係唔搵人﹐一搵就係我派帖﹐我覺得唔好意思囉﹐我唔想好似請人黎飲但做到好似係填位定係有D人立心不良賺錢咁 (Discuss果邊大把人收到帖之後大量@#&$^#!@﹐話同主人家N年無見都派帖)﹐我相信自己人緣未去到咁差﹐但... 我無請o既人唔代表我唔歡迎你﹐就算無請﹐我都好Treasure有你哩個朋友﹐只係有請o既就一定係Super Friend底。

 

 

多謝哩位朋友幫我手﹐首先至問問大約請況先﹐但另一邊相﹐唔到Big Day前果二個月﹐我係唔會咁快Confirm得晒嘉賓o既名﹐請見諒。至於同邊個坐囉喎.. Sorry... 我或者會有個概念﹐但... 最Confirm o既﹐大家都係到時去到會場﹐睇個Floor Plan先至最真實啦。

 

 

PS: 哩篇Blog係Private for 各位Add在o既Blog友格。

I.T. 收緊政策

哎‧‧真慘呀‧‧I.T.開始收緊策略呀!!

 

 

我講緊果個I.T. 梗係唔係沈嘉偉果間I.T. 啦﹐而係我公司o既I.T. 呀! 事緣上星期德國I.T.大鬼頭黎香港巡視業務﹐今個星期﹐聞說有機會係短期內要Block msn同埋Facebook!! 咁就慘喇... 我地公司有邊個唔睇Facebook o架﹐用msn o既人都佔在一半啦﹐如果哩兩樣都無在就無晒樂趣咯‧‧‧

 

 

再另一件事﹐有人check上網Usage呀! 哥哥仔黎問我『你尋日有無上好多網呀? 因為有report 出﹐你部機尋日o既上網用量好勁喎﹐係勁到唔正常果隻﹐你有無發覺有異樣呀?? 驚你部機中毒咋!! 』死咯... 應該我確實係上在好多網o架﹐因為哩兩日八掛上網睇衫o丫嘛﹐可能人地upload時無re-size過張相﹐所以攪成咁囉。

 

 

唉... 唯有上網時自己都小心D啦﹐上少D睇圖o既Website﹐專注係睇文字版o既Website啦﹐哩個時候自己衰俾人炒就無謂啦﹐其實你都咪話唔驚呀﹐哩間公司D o野無人估得到o架。叫我直頭唔上網?! 你想我唔識放工呀?? 點解?! 因為變在化石囉!!!