星期五放工﹐同油麵去了深水埗買電腦零件
買完零件﹐找晚餐吃了﹐深水埗實在是太多選擇﹐油揸麵、米線、豬潤麵﹐林林總總﹐眼花撩亂﹐後來見了一間泰菜﹐門口好像很多人排隊﹐見到『冬蔭公』三個字兩眼發光﹐所以就排隊了。
本來是想要冬蔭公湯麵﹐但Waiter卻說沒有﹐但可以點一個湯然後再點一個淨麵自己撈﹐油麵說：『怎麼這店那樣呆板的??? 有冬蔭公湯、有麵﹐但沒有冬蔭公湯麵?!?!?
點菜後才看見周圍的人都在吃海南雞飯﹐我們倆說﹐下次再試試看這飯才成﹐然後我就在想﹐這店就跟勝利小廚差不多﹐反而勝利小廚變化更大!! 突然很想吃勝利小廚的茄汁蝦!!
我地要再找尋好味o既冬蔭公至得....
我在加拿大的舅父﹐今年安排了他大女兒Carmen回港過暑假﹐星期四那天到港了。她將會在香港三星期﹐並係我家作客﹐本來可以偶爾去其他親戚家住﹐但他們家裡都養了狗﹐氣管敏感的她不大合適在他們家暫住﹐所以唯有留係我家了。
之前看相片時﹐覺Carmen好像很成熟的﹐就有如一個謝婷婷或欣宜一樣﹐不知這是否因為她們那邊都興這個樣子呢?? 但到見到真人時﹐就覺得﹐18歲依然是一個妹妹仔吧﹐因為她都未算很獨立﹐很多事都不敢﹐很單純﹐很多香港的18歲妹妹都不可稱之為妹妹了﹐但看在Carmen﹐她好像還像15歲的感覺。
但這幾天可悶壞她了﹐說實話﹐總不成請太多假吧﹐逛街也不能天天逛啊﹐沒事做的時候就苦了她呢﹐現在Weekday就靠小墨媽了﹐陪她逛這逛那﹐我就要星期天才出動哩﹐可能也會請小小假陪一陪她。
小馬又再出書喇!!
美其名是低能系列第三集但並非『我的低能之道3』﹐小馬第三本書﹐『我們的低能婚禮』係書展就會發售喇。上年﹐小墨同mon mon為了買書 + 要小馬簽名﹐請了半天假﹐書展第一日就拿拿林跑去﹐仲可以好輕鬆咁同小馬合照﹐所以到本來簽名果日見唔到小馬﹐小墨都唔係太失望﹐因為我已經達成『我』想了!!
今年﹐小墨會再戰書展﹐不過小馬今年只有80個簽名Quota在書展首天派發﹐如果今年想再簽名﹐似乎﹐要再請假了....﹐不過﹐80個Quota咁少﹐小馬粉絲又點會得80個；我明白唔會每一個人都鐘意小馬﹐同埋唔會每一個人都好似我咁神經質﹐但... 80就真係少在D囉...
我會努力!!! 我要再搵小馬簽名!!! 仲要拎埋『我的低能之道2』俾佢簽添!!!
今日﹐係一星期陽光普照後的第一個下雨天﹐無o丫... 好天唔下水﹐落雨天先黎游水之嘛
住客$40訪客$20﹐其實一點都唔平﹐可能係因為要請足夠o既救生員掛﹐兩個池﹐我最少見到五個救生員
按摩池得五個按摩位﹐但池水暖暖的很好浸﹐然後再試室外池﹐雖然水溫較凍﹐但感覺比室內好﹐可能因為室外池水吸收了紫外線吧!!
在戶外玩了一會﹐就被救生員叫回室內﹐因為有『雷暴警告』!!! 離開Club House時仲傾盤大雨添!!
等下次天氣好時要再試試感覺了!!!
今早起身後﹐不停的在上網﹐突然門鐘『叮咚』﹐去開門﹐係對面屋的太太拿了一碗已切好的哈蜜瓜過來。
她很客氣地說是給我們吃的﹐連連多謝以後也向小墨媽報告報告
那當然﹐她們(小墨媽跟太太)是玩伴來的﹐玩的是144﹐地點多在她家﹐因為小墨媽知道若她們在我家打﹐我就會在後面晃來晃去
突然醒起﹐有些親戚朋友家﹐隨時連隔離住戶姓什名誰也不知道﹐比較之下﹐我們倒跟隔離關係不錯了
約了上星期﹐後來改了二次期﹐七月二日晚終於都相會了!!! 指的是mama﹐兩個Ivy﹐mon mon同埋我自己。
開飯地點係北酒場﹐mama說早前食過覺得都抵食﹐所以拉隊再去食﹐食物品種真係好多
很久沒見哎肥鍾﹐佢no more fat啦(嚴格來講都未肥過)﹐瘦到剩低皮包骨﹐怎麼我周圍的人都越來越瘦到過晒火的呢???? 她來到時二話不說就給我一個紙袋﹐嘩哈哈.... 原來是.... 粟一燒哩!!!
這兩包是大Size來的﹐即是說一開就要吃很多了
後尾mon mon原來也有東西買了給我﹐內疚的我啊﹐甚少買東西給朋友做生日禮物﹐反而自己生日有禮物收哩。好﹐我自修幾件先!!
這潮語學習字卡真是很好笑的﹐那通俗的字眼﹐抵死地將一堆堆本土形容詞文字化。
哩一晚謝謝各位﹐下一餐就要到哎肥鍾生日時再吃了!!!
斷斷續續 + 打風﹐連續多日o既雨終於都暫時休止一下﹐俾大家來抖抖氣。所以趁今日點點太陽
久違了的藍天白雲啊~~ (雖然中間偶有黑雲...)
西貢真係好多人﹐沿小巴總行到去海灣酒店果邊﹐超多人也超多狗﹐大狗小狗肥狗瘦狗﹐一街都係狗﹐一邊行﹐要一邊小心踩地雷。
點解會映哩一隻狗哩﹐其實係因為果日超熱﹐但大家有無見哩隻狗啊?? 猶如著了Fur行Cat Walk一樣﹐見到都登佢熱﹐佢仲要係度跑喎﹐見到都登佢辛苦。
哩一日o既西貢潮退﹐所以好多人都行出去灘
係一旁﹐仲有人係度畫畫‧‧‧
仲俾我映到佢畫緊係咩黎o既添‧‧
嘻嘻....
天氣好﹐吸收下陽光﹐環境仲唔錯添!!!
