釣墨魚

自從卡路里媽媽回來公司後﹐我地部門就多在攪作了! 佢好鐘意攪活動的﹐今次就攪在釣墨魚。其實我都不大了解宜家係咪釣墨魚季節﹐反正都唔一定以釣到墨魚為本哩﹐最緊要好玩﹐同埋大家投入!!!

 

 

前前後後日子都天氣唔好﹐好好彩﹐釣墨魚o既哩一晚天朗氣清﹐第二晚就落雨。之後我地都暗地裡嘀咕會唔會個天都唔鐘意我地呢? 日日唔落雨﹐唯獨哩一日就大雨﹐好好彩﹐最後都無事﹐大家都玩得好開心。

 

 

放工第一時間離開公司﹐連馬生個私人漢寶遊o既機票都唔理就放在工﹐趕緊快快前到西貢買食物! 因為我地決定唔要船家訂的食物﹐我地自己訂一定較好味哩!!! 西貢友推介o既一間Pizza店同埋泰菜館﹐Pizza係比較出色。

 

 

買晒o野﹐去碼頭集合。等等等中因為老細太太未到.... 其中一部份o既食物~

 

 

佢地堆埋睇緊相‧‧‧

 

 

終於齊人可以上船喇~~~

 

 

我地o既重頭巨鑄.... 24" Pizza!! 個個見到都好Exciting o架!!!

 

 

我都搵唔番邊隻手係我o既喇.... (此相黎自同事o既相機)

 

 

食飽飽開始釣墨魚‧‧‧人地釣就好鬼大隻﹐我哩.... 墨魚毛就有~~

 

 

原來細心睇都好晶瑩剔透喎!

 

 

哩位船家o既船都幾好﹐有Karaoke....

 

 

應該係話有Sammi 2009演唱會Karaoke版o既卡拉Ok!

 

 

仲有大量骰『中』.... 哩度只係其中六隻。

 

 

輸在要飲o架!!!!!! 不過.... 水都收貨啦~~

 

 

如果Book哩位船家出海玩Wakeboard﹐以人頭計﹐起唔到水唔收錢!

 

 

最後我地有四大碟墨魚食呀!!! 白烚都好好味喎!!

 

 

玩完Lu... 歸家了.... Bye Bye~~

 

是次墨魚團係自己組團﹐位位$200﹐我地Total 係20大2小!

 

 

位位$200包四個鐘頭玩樂﹐晚餐唔駛食果D難食到脾o既所謂到會﹐有24吋好味意式大Pizza、18"大批、意式沙律、意粉、泰式Satay、炒飯、拼盤、五打啤酒、汽水、可樂 etc etc仲有大量Fun! 哩晚之後﹐娛樂組組長心思思再組團去西貢魚排買海鮮然後搵餐廳自煮!!!! 佢地個個都意猶未盡哩~~

 

 

以下係食店資料提供：

泰菜係‧‧‧西貢旺泰! 由於上船關係... 無Order冬蔭公、生蝦哩類o既泰食品!

http://www.openrice.com/restaurant/sr2.htm?shopid=14173

 

另一間24" 大Pizza係Paisano's

http://www.openrice.com/restaurant/sr2.htm?shopid=38544

星期日‧放狗日

今日中午時份﹐Jimmy哥打msn過來問我們Carmen今天有什麼做﹐其實我都正苦惱著哩﹐都唔知去邊好

﹐好似度度都去過喇!! 咁原來Jimmy哥今日同阿立去放狗

。正!! 我地又跟住去玩下啦!!

 

由於Carmen之前同媽咪講過想食聖子﹐我地今日o既午餐就好似食晚餐咁﹐係西貢食海鮮(但午餐食海鮮感覺好怪啊~~~)﹐Carmen見到大隻聖子同蟹都非常高興!! 快手快腳擦晒D食物就拿拿林去玩狗喇

﹐當時Jimmy同阿立都已經到在成個鐘頭喇!!

 

 

唔係第一次見Hebe(唔知係咪咁串)同Summer﹐但咁近又摸佢地又真係第一次

﹐阿立話﹐大狗真係乖D o架!! 咁又係﹐Hebe同Summer什至比松鼠狗更乖巧。另一邊﹐鴻舅父都有帶Ally出黎玩

﹐Ally好攪笑﹐不停咁跟住舅父﹐永遠都係佢一尺以內唔會走開﹐真係狗繩都唔駛用啊!!

Ally最鐘意人地幫佢隻腳按摩﹐左面果張其實係我每隻手都單手幫佢按摩緊先至咁乖唔郁﹐曾經係佢屋企時﹐我一按佢隻手﹐佢直頭係即刻攤係地度唔郁添啊!! 真老實不客氣哩!!!

 

 

我又好鐘意映腳﹐兩年前跟Bevis同ar mui 係泰國﹐我地一行四人﹐四雙腳都穿了拖鞋的一張相﹐雖然只見腳趾不見人樣﹐但到今日都十分喜歡啊!!!

所以今日我都拍了一張﹐看看!! 一雙是我的、一雙是媽的﹐一雙是Carmen的!! 呵呵~~ 

 

 

中途去了Toilet﹐然後油麵建議食雪糕!! Yeah Yeah!! 係富豪雪糕車o既雪糕啊!! 又軟又滑的﹐最好的是﹐從來唔夠擔搵人幫我同哩種雪糕車映相﹐今日終於有機會啦!! 係﹐無錯﹐如果多了幾磅都係咁來的‧‧‧‧

 

 

PS: 其實哩一日﹐我一邊玩住四隻狗﹐但個腦不停掛住Dallas啊~~ 搵日去探下佢先!!

雨後晴朗

斷斷續續 + 打風﹐連續多日o既雨終於都暫時休止一下﹐俾大家來抖抖氣。所以趁今日點點太陽

﹐去了西貢走一躺!!!

久違了的藍天白雲啊~~ (雖然中間偶有黑雲...)

 

 

西貢真係好多人﹐沿小巴總行到去海灣酒店果邊﹐超多人也超多狗﹐大狗小狗肥狗瘦狗﹐一街都係狗﹐一邊行﹐要一邊小心踩地雷。

點解會映哩一隻狗哩﹐其實係因為果日超熱﹐但大家有無見哩隻狗啊?? 猶如著了Fur行Cat Walk一樣﹐見到都登佢熱﹐佢仲要係度跑喎﹐見到都登佢辛苦。

 

 

哩一日o既西貢潮退﹐所以好多人都行出去灘

﹐因為無論點行﹐D水都只係去到腳﹐所以人又free狗又free咁玩水了。

 

係一旁﹐仲有人係度畫畫‧‧‧

 

仲俾我映到佢畫緊係咩黎o既添‧‧

嘻嘻....

 

 

天氣好﹐吸收下陽光﹐環境仲唔錯添!!!

其實我一見到個灘﹐我都想走落去玩水啊~

 

 

西貢午餐

見咁好天﹐ar mui話不如搵個好地方Feel下假日感

﹐諗在一陣﹐佢提議西貢食泰菜

﹐我心諗.. 都好o丫﹐好似一段時間無去過西貢喇

。

 

 

本來想搵番以前鄰居推介o既泰菜屋﹐點知原址已經變身為一間食海鮮o既舖頭

﹐無咩頭緒﹐所以我地是是旦旦選擇在一間﹐搏下都唔怕啦。西貢有條巷仔係小巴站附近﹐入面好多食o野o既舖仔﹐我地眼望望、走在入其中一間﹐就Order在一D我地想食o既o野o勒

。你地睇﹐有冬陰公、Sung Dum(泰式青木瓜沙律)、咖哩蝦同埋蒜蓉飽! 後尾見隔離枱點解可以order兩串沙o爹o既... 問問... 原來只有假日先可以散叫﹐咁我地就落 order 一人一串o勒!!

 

飲冬陰公o既時候﹐食到辣椒仲係o趙o趙o趙果隻﹐辣到跳舞

﹐話口未完﹐ar mui都中招﹐呵呵呵呵....今次哩一間o野D o野都幾好味﹐但如果有三個人食會更好!! (PY﹐下次你一定要Join!) 我同ar mui 已經諗定下次要叫咩食﹐見枱枱都有人食碟頭飯﹐唔知有咩咁特別o既呢....

 

 

但係果間餐廳﹐另有一枱人唔知點解係咁望我地枱﹐我地都覺得好奇怪

﹐佢地其中一個係李籠怡(唱時光中飛舞果個)﹐都唔知望咩﹐俾心機食你地個碟頭飯好過啦!! 後尾我地食到極飽﹐到夜晚﹐我o既晚餐係Circle K魚蛋六粒﹐因為晏晝實在太太太太太飽喇。

 

 

後尾去碼頭果邊睇人賣海鮮﹐佢地隻艇有好多唔同種類o既海鮮﹐好似好好味咁。又覺得好好玩...

 

本來我拍在段Video﹐不過唔知點解post 唔到出來﹐唯有... 遲D後補啦!!

 

 

吹下海風﹐話咁快就一個下晝﹐然後就離開西貢了。