搬屋了

入在黎哩一間公司﹐唔覺唔覺就半年喇﹐步伐當然已經跟晒公司啦

﹐同埋上網上網再上網哩種生活亦已經習以為常格。

 

 

由於公司改組﹐大姐出走泰國

﹐新大佬到步已踏入第二個星期﹐話都無咁快就出Announcement話要大執位。

 

見嘛見嘛﹐見到我Boss坐邊嘛﹐又睇到我新位同舊位啊呵﹐真奇怪啊﹐點會我同Boss o既距離遠到哄o架~~

我同新大佬講佢要打Intercom俾我喇﹐新大佬好有心咁講：『我直接行過去你個位都好快o架姐。』

 

 

今日出哩個通告然後星期五就要搬位喇﹐希望... 第時個新位唔好太揚﹐等我耐唔時依舊上下網都好嘛。

小墨媽的拿手製品 - 糉

小墨媽雖然一名 In 到震o既媽媽

﹐但佢有好多o野都好跟節氣同埋傳統﹐過年識整蘿蔔糕(但年糕就唔得喇)﹐大暑小暑會煲冬瓜湯﹐同埋端午節要整糉 etc etc!!

 

 

無錯﹐小墨媽係識得包糉的﹐佢o既師傅當然係馮老太﹐即係嫲嫲啦﹐小墨當年雞手鴨腳依然包不出一隻糉

﹐所以宜家只需撓埋手等食。我早幾日先至諗﹐點解今年唔聽見小墨媽話包糉呢?? 原來﹐果日放工番黎已經有一盤等緊我。

 

哩一盤係第一批o既出品﹐由於小墨媽已廣派四方﹐已經所餘無幾

﹐第二盤今朝佢已經煲好在﹐我同小墨媽訂了六隻﹐四隻俾啤梨兩隻俾油麵﹐但邊D係咸肉邊D係綠豆邊D係紅豆﹐小墨真係分唔出

﹐不過啤梨啊﹐小墨媽額外留起在一隻紅豆的給你試啊!!! 同埋放心﹐無

梘水糉的!!!

黑暴

今朝天文台發了第一個黑色暴雨警告

﹐當時小墨依然在睡夢中﹐不知所以﹐懞懞籠籠。但當知道之時﹐覺得如果今日係Weekday﹐大家都休想可以有假放囉。

 

 

不過都真係好大雨o架﹐我望落街都睇得唔係好清楚。

 

 

唔知大渝小一派位結果如何呢? 係咪即係順延到星期一先有結果呢?? 都『鄧』渝媽緊張添!!

 

 

 大渝加油!! 渝媽加油!!

 大渝加油!! 渝媽加油!!

 

朗朗的銀牌

我兩個細佬無咩有興趣﹐最鐘意只有打機

﹐而阿朗都叫做好少少﹐都鐘意玩下田徑、打波 etc etc。

 

 

早前﹐佢參加在校外o既比賽﹐哈哈... 竟然有牌拎!!

 

由於燈光關係﹐個牌好似係銅色咁﹐其實係銀色黎o架!! 係啊﹐佢玩 4 x 100拎銀牌啊!!!

 

 

雖然哩D唔係學科﹐但總算叫做除打機以外有o野係有興趣o既

﹐咁算啦﹐哩次我無潑佢冷水喇﹐仲問問佢乜唔係仲有其他田徑o架咩

﹐但佢話無喎﹐不過都唔打緊啦 ~~

搶?

尋晚真係百般感覺啊﹐Gigi Wu竟然係Facebook度咁樣搵晒Vincent D女性朋友﹐哩個世界真係好多估唔到o既o野會發生。

 

可能我比較敏感啦﹐一聽到話搶﹐就好像身有屎一樣﹐呆了﹐但其實慢慢地諗﹐好似﹐我係無錯o架喎﹐要計的話﹐Time Line又沒有重疊﹐那我怕什麼?? 但有人昨晚一收到Msg就在不停的抖﹐手抖、腳抖、身也在抖。

 

其實我當然會盡量避免再牽涉入其他人的二人世界中﹐我當然明白做第三者很可憐的道理﹐痛的時候﹐就只有自己和天知了﹐也... 引證了『活該』這二字的實用性。

 

Vincent很怕形響到我﹐還好﹐我只花了一小時去獨力處理這問題﹐然後救星電話就到了﹐是的﹐當然當然很害怕啦﹐很怕『什麼?? 又來??』或是他會給我一個消息說其實他一直都未處理好以前的事﹐那我真是水洗也不清了。

 

還好﹐沒有哩﹐還在說﹐只是她一直想不開﹐才要來一躺復仇。最後﹐昨晚發現她只send了給我跟Carol﹐心立時定了下來。

 

可是﹐她最後今天下午最終也把Vincent Facebook裡的所有人都發了Msg﹐說明了自己有多可憐﹐那『狐狸精』有多可惡﹐原來﹐我也會遇上這類人。有點點幸的是﹐我都是放工後才知道這事﹐否則在公司可能我也會不自然。

 

也許他們都猜得出了Vincent新女友是我﹐因為唯獨我沒有作聲﹐照常理如果我看到﹐不會沒半點反應的。但現在這樣﹐我繼續該當什麼也不知道好﹐還是自己把事件說出來好呢??

消防隊出動為一隻雀

我今日先至知道﹐原來真有人會打電話去消防局話要拯救小動物。

 

 

今日晏晝係大尾篤﹐有一隻鳥﹐俾紙鳶線鈎住﹐飛唔出一個小叢林﹐然後﹐有人報警辦理。(當然不是我啦~)

然後一隊隊消防員就黎拯救隻雀。好彩當時佢地應該無其他任務... 如果唔係就真係浪費警力啊!!

 

 

以下係一節Video﹐請睇睇消防員點樣救雀o丫~

 

就因為哩隻雀﹐消防署出動在兩架消防車、三架警車、一架愛護動物協會專車到現場﹐第一架消防車的車架唔夠高所以要Call第二架來﹐真係大陣仗啊~~ 救到之後當然要拍下手啦﹐朋友仲話我攪事係度拍晒手﹐要扮唔識我至得﹐但現場咪一樣好多人拍手﹐掌聲鼓勵鼓勵嘛~~ 雖然... 條命係一隻雀﹐都係生命來的啊!!!

 

 

今日大尾篤好好風哦~~

菜乾豬骨粥

昨天﹐朋友送來了兩盒粥﹐是菜乾豬骨粥﹐但因為某程序出錯﹐粥所含o既鹽全超出了預算﹐變成一窩特別調味粥。

 

 

朋友很努力的去補救但說依然咸得過火﹐但也叫我可試試看是怎樣的。並補充說：『頂唔順就算了﹐掉在佢﹐下次再煲過。』

 

今早﹐小墨煮熱後試了一口﹐可能是心理準備非常足夠﹐所以吃一口後覺得比想像中無咁咸

﹐那當然﹐確是需要處理一下才可繼續把粥往肚裡送﹐加水、再煮煮、才變成今早的早點!!

 

 

其實都唔係好咸姐D粥﹐不過D豬骨同菜乾就像沒拌好的炒菜﹐好像鹽都聚埋一齊而已。唔怕啦﹐再接再厲啦﹐期待你下次的正常味道豬骨粥。