無題

媽媽牌飯盒越來越像齋菜﹐青炒菜(少盬少油)、冬菇比豬肉份量還多的肉餅(所以像肉碎一樣散開)﹐味道我倒是沒什麼問題的﹐份量也不少﹐小墨媽都是覺得這樣比較健康而已﹐但在下午時份肚餓的情況越見普遍。請勿誤會﹐我不是投訴﹐只是要想想肚餓的話怎辦好﹐小墨又挑食﹐不是樣樣都放進口﹐但一肯放就一發不可收拾。

 

點解今年D衫都迫人穿One-Piece然後加Leggings??

 

I'm in animal zoo too. Your buddy is here arrrr.

 

魚扎好味﹐包括那條西芹。

 

也許心情低落﹐不管是什麼店裡的東西都看不上眼﹐也許是人的問題﹐不是貨品的問題。

 

我不要再慢步行了﹐否則Shopping二人組很易會不合拍

。我才不要這樣﹐拍主上才有趣味。

 

過兩天會運動了

﹐要加速新陳代謝﹐希望腳不會再麻。可以踏出這一步‧‧謝謝你。

悶

近哩個幾星期猶如潛水一樣﹐雖然唔係歸心似箭﹐但放工好多時都番屋企﹐明明無地方去都九秒九衝出公司門口

﹐鬼咩﹐走慢半拍容乜易頭頂出『mo』菌﹐但各大好友OT + 山長水又遠﹐原來放工約朋友咁有難度。

 

 

今日已經係哩個星期o既第三日喇﹐日日係公司發呆

﹐秘書小姐都大嘆悶到失常。聽日我諗會好D喇掛

﹐因為又到在每星期最重要o既星期四﹐希望會有多D o野攪﹐如果唔係蜘蛛網都可以係身上搵到。

 

 

終於頂唔順﹐今日放工去兜下街先至番屋企﹐平時本來一向反對啤梨逃學的我今日一反常態﹐當啤梨Propose逃學大行動時我竟然只講在一次叫佢唔好

﹐但行動失敗後

﹐竟同佢講『你應該話七點半公司要Con Call 嘛﹐只有做o野先至無人敢阻你啊!!!』

噢.... 啤梨﹐係我唔o岩﹐我唔應該教壞你﹐你要加油做個好學生啊!!!

Pre-母親節

熱~~ 熱~~ 熱死了~~

 

 

早幾日仲係涼涼地﹐今日就熱

到爆炸了﹐但馮家一行四車十幾人去晒BBQ﹐係.... 又係BBQ﹐我開始要舉白旗了

﹐唔可以再B喇﹐會死的。

 

 

一如所料﹐ 只係等車位已經等得發瘋了﹐係等車位途中﹐仲要親眼見証一架旅遊巴o既車尾撞到一架車o既車頭

﹐陰公﹐見架車花晒啊~ 可憐地私家車o既車主仲未知自己架車已經受傷了；另外﹐仲睇住D人爭車位而口角

﹐爭贏的司機是後到的﹐早到的司機向他麻怨幾聲說他『打尖』﹐但他竟跟早來的司機說：『點知你等位o即﹐你唔講點知。』我覺得佢係一隻蟹囉﹐點講o即﹐駛唔駛寫張大字報貼係車頂公告天下啊?? Short Short地。

 

雖然熱

得要昏倒﹐其實天空真的很藍哩~~~

 

 

細渝玩水特別開心

﹐雖然步履也未完全穩﹐但玩水卻又驚又興奮哩!!! 她穿的可是真泳衣來的啊!!!

 

而小墨只會出腳.... 不出樣了....

 

今天準備的食物﹐足夠我們再多BBQ一次﹐可是﹐不成了不成了

﹐請先暫時停止這活動﹐真的不行了~~~~ 其實正如小墨爸講﹐我地好應該早點去﹐然後各人可以自備泳衣落水﹐如果下水禮在沙灘也不錯啊!!!

 同埋今日唔駛熱得咁辛苦。

 

 

最後﹐預祝各位母親於下星期的母親節裡快樂!!!!

奧運火炬香港區傳送

今日係奧運火炬係香港區傳送的日子﹐小墨因為要番工﹐所以無份去排隊睇埋一份﹐所以當今朝一開跑時﹐同事們爭相睇下有無人有辦法睇到直播﹐雖然有人有3G﹐但都懞查查﹐睇得唔清楚﹐我都一早預在要番黎係網上面搵Play Back!!

 

 

其實我係好想去睇o架﹐難得香港人突然咁熱切嘛﹐不過... 都係無份睇~ 唯有宜家去片啦~~

 

九份小手信

文地同蕃茄係三月中去了台灣旅行﹐本來她們有預我一份的﹐只是當時覺得旅乜鬼行﹐隨時要見工o架嘛﹐還有的是‧‧‧三日未免太少了哩

~~~

 

 

她們回來後都沒有即時約出來吃飯﹐一直到四月﹐蕃茄才打電話

給我說﹐有手信要給我﹐叫我去喝東西﹐哈哈... 那個時候我才知她們有買手信給我哩~~ 但約來約去都約不成﹐直到尋日才成功『見面』。

 

本來她們倆人說給我買了上面這鞋子給我﹐我一直都以為她們買的是給我穿的那種﹐卻原來是裝飾品啊!!! 很Cute哩....

 

 

記得小時候﹐姑姐結婚去旅行﹐確是買了一雙真的給我﹐在家穿的時候『咯..咯..咯..』的在家行來行去

﹐可是嘛﹐嫲嫲覺得它吵得不得了﹐不消幾天就幫我把鞋底的鐵片給拆掉

﹐然後再過一段時間就說這鞋子麻煩要收起來﹐當然... 一個小朋友的玩意給收埋以後﹐很快就會忘了喇

﹐至於是什麼時候給掉了

﹐這個... 嫲嫲都應該不記得了。

 

 

謝謝啊~~ 文地及蕃茄!!!

(可是﹐為什麼選字要選男子漢呢??)