三個人、一隻狗的西貢行

尋日我、PY同小墨媽一齊去了西貢﹐其實本來只係九龍飲茶﹐不過我媽想見見PY寶貝女Dallas﹐咁我地又得閒喎﹐所以就去點點遠o既西貢了。

Hi ~~ Our Miss Dallas~~

 

我地去到都已經係下午茶時間﹐但三個都未食o野﹐一人一碗麵啦~~ D吉列豬扒同燒雞都幾好味。

等緊食o野時影o既暖爐一個﹐冬天有佢係室外都暖o架!!

 望出去個view都唔錯~

食飽飽出去行下﹐見到有o架雪糕車~ 

咩宜家哩D雪糕已經加價到$7一杯﹐不過確係比較軟滑o既。我記得睇新聞﹐哩D雪糕車唔會再有牌發出﹐可能唔駛幾耐之後﹐哩D雪糕車就會無晒Lu~~ (我映係因為我想有相去見証住哩D雪糕車姐。)

 

再行過D﹐去到賣雜貨o既哩條街....

哎唷...有糖蔥餅賣﹐不過已經好飽﹐食唔落~

 

有人話好鐘意哩塊鏡﹐希望第時可以有張咁o既化妝枱哩﹐祝你好快如願以償啦!!

 

最後由Dallas帶領我地踏上回家路了﹐Bye Bye....

後話：

Dallas第一次見小墨媽﹐所以唔識小墨媽係friend來的﹐所以她有點抗拒小墨媽﹐除在小墨媽俾Treat 佢食時。

另外﹐Dallas見我去接佢非常Exciting﹐當我接佢時﹐PY未開好門佢已經飛埋黎我度﹐但距離又好遠喎﹐佢差D係車門度凌空飛在落地﹐嚇到PY呆了幾秒﹐睇黎我要多D去探佢至得o勒。Waaakakakakaaa~~~

Annual Dinner

在BV的最後兩年﹐公司已經無在Annual Dinner

﹐取而代之o既係Annual Party﹐第一年Party玩D唔算好好玩但玩在又有機會有錢分o既遊戲；第二年係海洋公園之旅﹐我地La La Fung仲贏在$10000大元添

!! 但係咁喎﹐哩兩年我都無去到﹐事關Dipolma考試都緊接第二日就舉行﹐見唔係太吸引﹐所以我就連去都無去(扮勤力o丫嘛!)。

 

 

至十二月﹐在『花曬』的Annual Dinner﹐關於我心不在那而借頭借路唔參加

﹐不過那次咁都有份收到以人頭計算o既Coupon七百大元﹐有人係Park N Shop﹐有人係惠康﹐仲有百老匯﹐而我o既係Sogo。

 

 

尋晚﹐輪到宜家哩間喇﹐之寶上下同仝出席﹐無數確實幾多圍但應該係大約11 or 12席﹐而我地坐o既係差不多最後的一席﹐後面涼風陣陣好凍o架哩。

見到人頭擁擁嘛?? 因為大伙兒係度玩緊遊戲﹐而我﹐因為全枱人衝晒出去﹐搵個人看住D袋好D o既。

 

 

其實尋晚o既菜式同一般酒樓唔相差得幾多﹐都唔明點解去到山長水又遠o既香港仔食﹐公司仲要特登包車車員工去添；食物質素麻麻、Service麻麻、方便程度麻麻。噢~~~

 

哩隻蝦大就大o勒﹐不過千島醬陣味勁過蝦味﹐食到醬味、食唔到蝦味。

 

 

係哩個Annual Dinner最開心就係抽到獎品同埋玩遊戲有獎金﹐好彩之前之同事提我『只要你肯玩就有錢收o架喇!!』所以... 我都有玩﹐一共有兩個Game﹐一個係勁飲大賽﹐一個係夾紙﹐哩度幫我進帳了$550﹐另外開席時的Table Prize﹐哈哈... 我抽到封$200的啊!!!

(最少一百、最多五百。) 而全晚總共有一百二十幾份禮物﹐佢地話應該所有Permanent員工都可以抽到一份﹐而我果份係,,,, Lane Crawford Gift Card $1500~~~

我塊面紅卜卜咪全賴勁飲大賽杯杯啤酒囉!!!

持續進修基金

N咁多前年﹐申請在政府o既CEF﹐當年係為讀英文o架﹐但咁耐以黎我一次都未Claim過﹐因為我只完成在個Course入面o既小Module；早幾個月﹐收到佢寄黎封信﹐先至話原來佢地申請期限由兩年變四年﹐當時我都不以為意﹐將封信掉埋一邊﹐個腦成日諗『o希,,, 我讀之前都無知會辦事處﹐都無得Claim o架啦。』上個星期唔知係邊一度睇到﹐先知道﹐原來只要我開課前已經有CEF戶口﹐就可以Claim o架喇﹐係唔需要知會佢o架。所以今個星期﹐我就好積極咁搵番封信出黎睇下(好彩未掉咋)﹐睇睇下,,,, 噫,,,, 真係有得Claim喎﹐哈哈哈哈....

 

 

今日打電話去問同埋詳細睇晒封信﹐應該無錯喇﹐我個Dipolma係可以Claim﹐不過我D單已經一早俾我掉晒﹐我唯有打番學校o既校務處﹐問佢地有無咩証明可以出俾我﹐証明我一早俾晒錢﹐o丫唷... 又有喎﹐真好啊﹐突然覺得好感動啊!!! 無啦啦可以有得Claim~~~~~

 

 

你地唔好好似我咁笨啊﹐有得Claim好快D Claim喇!!! 未用CEF o既朋友亦都快D搵個Course讀下Claim在佢啦。

打電話與sms

今時今日﹐當大部份朋友都用sms、msn或者 email 溝通﹐會唔會大家打電話

同朋友溝通o既機會就大大減低在呢?

 

 

大頭蝦的我﹐本來應承了星期五高比的生日飯﹐但我竟然在剛過去的星期一才記起

﹐我星期五公司Annual Dinner的日子﹐沒法子啦﹐我在Annual Dinner上有任務在身﹐加上已經應承了﹐又怎可像上次『花灑』公司咁一走了之

﹐唯有在星期二才打電話給Sa Sa說我不能去﹐因她是攪手啊﹐另外再打一個電話給高比交代一下﹐並再約下星期跟她吃飯。

 

 

才發現﹐打個電話有時真的比sms或msn感覺良好

﹐我打電話俾佢地﹐都有種接近的感覺﹐雖然我地未至於聊在好耐﹐但有種很熟悉的感覺﹐還記得那時我們一起玩的啊

；還有高比﹐跟她說了一陣子電話﹐當然她在忙不能聊太久﹐只閒聊幾句﹐很熟悉啊﹐並不像很久大家都沒打過電話﹐所以嘛﹐我們不能太依賴那些方便的通訊工具﹐打得多都要打下電話﹐多多溝通啊。

當巴士撞上工程車時

今日午飯﹐有住家飯一兜﹐所以係中午時將哩件事件同大家分享。

 

 

今早﹐一如以往﹐小墨越來越晏先至出門口﹐但都會迫令自己係八點半前一定要坐到上一架已經開行o既巴士上面﹐目的係我要係9:15am之前報到﹐你知啦﹐懶惰之心人皆有之﹐俾自己遲落去o既話﹐情況會越來越岩重。

 

 

依然係一如以往﹐帶備麵包與罐裝咖啡上巴士﹐小心奕奕咁係巴士開餐但唔可以跌出麵包屑啊﹐飲埋罐咖啡﹐四隻眼四圍咁望、耳仔聽住收音機但今朝節目沉悶非常之際﹐眼見巴士司機要衝紅燈喎﹐心諗：『要衝你就快手小小啦﹐一係就停低啦。』說時遲、那時快﹐『呯』一聲由左面車頭傳過黎﹐當眼望過去時﹐已經見到隔離果架工程車o既吊架已經撞完我地架巴士仲緩緩咁離開緊。當係度諗自己有無眼花﹐巴士已經停車﹐坐係上層左前面﹐即最近出事角落的那個女子呆頭呆腦的還未知自己發生咩事﹐佢好彩啦﹐坐埋一個位的話﹐我諗佢已經要call白車喇﹐車頭左上角已經撞到變在型﹐聽講樓下左面的倒後鏡都撞跌在係地下﹐但果架工程車完全feel 唔到自己已經被撞﹐緩緩咁繼續轉在去東頭村。

 

 

我正係度諗緊,,,, 咁點啊?!?! 係咪車繼續開不當一回事啊之際﹐哩個巴士司機走上黎睇睇咩狀況﹐佢竟然仲好嬉皮笑臉咁講在一句唔好意思﹐喂﹐你家陣撞車啊咁點啊?!?! 好彩果個位無人坐姐﹐有人坐你仲死多兩錢啊。突然見大部份人起身好似落車咁款﹐我咪老虎蟹都跟﹐之後當有第二架同號線巴士黎﹐仲可以第一時間上車添。一件事証明﹐有時心急都急唔黎﹐你睇﹐因快得慢o勒。死未﹐完全打亂晒人家番工心情﹐唉....  小墨今次坐係上層前排o既右面﹐Touch Wood如果佢撞o既係右面﹐我諗我都會嚇到不知所措了。

 

 

哩件事其實就係﹐工程車吊架係比一般o既車『突』出黎﹐而巴士司機又無諗到哩一樣o野﹐當.... 巴士佬以為自己夠位之際﹐吊架就『呯』一聲撞上巴士了。哩單o野我覺得係巴士司機唔o岩﹐如果佢留意多小小同埋唔衝燈就無事啦﹐工程車o既行動係一切正常格。所以... 大家第時再見到哩D車就要加倍小心喇!!

童顏

爸爸由細玩到大o既朋友由『米字國』番在黎﹐今次佢特地同爸爸講﹐想見見我地一家五口﹐因為佢隔年幾先番來一次﹐但次次都唔齊人﹐佢上次見在阿朗﹐但佢以為自己見到哥哥添

。其實我對於哩一位叔叔真係唔係太深印象﹐他不停在話當年﹐不是真的想說他老﹐但用想當年這字眼的話﹐最少也不是我們這一代的人啊!!

 

 

話說童顏﹐他在說怎麼我樣子似小童

﹐其實他都不是第一個咁樣講﹐好多時D人都會估我個樣同實際年齡有D差距(某程度上都係好事黎o既)；就算宜家公司D同事都係o架﹐佢地仲會好似讚細路女語氣咁話『叻女喎!!!

』Oh My God,,, 本小姐不嬲都做哩D o架啦﹐你咪睇少我至得格!! 有時去按腳﹐D嬸嬸又會話：『你係咪好細個o架咋阿妹??』Oh,,, no,,,, 我黎消費o既﹐咁可能你諗住好聲氣D我會俾多D tips 啦﹐但我係唔會o架囉﹐Tips同你o既手勢成正比o架喎。

 

 

咁我唔係巴巴閉係樹曬命﹐有時看上去細個係幾唔錯o既﹐因為個樣會耐看一點；但搵工時就慘喇

﹐最怕人地以為我不能委以重任﹐衰在無台型。雖然有時我D 衫係唔似高層﹐但衰在﹐就算剪個明明好型、好串o既髮型﹐放係我頭就變在好Cute呢﹐有次我同髮型師講﹐我想個樣大個D﹐同佢講：『你攪到我個樣串D都無問題o架。』無錯... 整係人地個頭度就串﹐整係我度就變在『Kawaii呢』﹐真攞命。

久違了的BB蕉

想當年﹐BB蕉差不多成為我地必然o既飯局一樣﹐好多時公眾假期都可能會攪攪BB蕉﹐歌都有得唱啦『燒雞翼~~ 我鐘意食~~』不過成日覺得﹐近哩一年少在好多哩一個活動。

 

 

當想年係 BB車公司﹐同D同事係全年最凍果日

﹐步上同事屯門屋企﹐高達三十幾樓o既天台燒o野食﹐無... 當件食物一離開火爐就即刻凍晒﹐而我地哩﹐就留守係鐵門後面o既室內﹐不停係度『雪..雪雪』咁叫凍

。而另一經典﹐係當年司機哥哥一手一腳包辦數個BB蕉的一切食與飲﹐有份參加的朋友﹐你地仲記得果下單手就將個檸檬切開兩段o既技術嗎? 快到無人睇得到啊

﹐而當時人呆呆的不當一回事。

 

 

今日﹐係我同現公司同事o既第一個室外活動﹐因為有同事離職﹐咁大家就同佢Farewell啦﹐我一日在這家公司﹐得閒o既都會參與其中

﹐我都唔係無可能係哩度過Probation o架。其實今晚又幾平喎﹐近$80一位﹐每人包一支水同一罐汽水﹐食物味道幾好﹐雞翼、叉燒粒、豬扒、魷魚味道都唔錯

﹐係金沙骨較為失色﹐佢竟然連粟米都幾好﹐好少勁燒粟米o既我都燒在五舊。

 

 

突然好想再去蕉多一次﹐總係覺得今晚未夠喉﹐我仲想繼續燒哩。