講在好耐想去o既東部華僑城終於都去在喇。不過係連場大雨下﹐整個旅程都係落雨、落雨、再落雨!!!
佢其實地方算大﹐不過大量工程仍在進行中﹐如果起好之後﹐應該都幾好行o既。
行下行下﹐去到竹林﹐似唔似『竹林深處人家』??
嘩!! 去到咁遠都有昂坪360喎!!!! 撘緊果陣真有騰雲駕霧o既感覺o架!!!
去到全個城o既最高處﹐會看到一片綠草如茵的Golf 場啊!!
其實華僑城有點點似海洋公園﹐佢要用纜車連接﹐橫跨兩個山頭﹐要玩完一邊先到另外一面。
去到另外一面﹐比較無咁荒蕪﹐有點似市集﹐有人見到一個銅製大提琴﹐即刻係度扮文化界代表~~
另一邊相.... 有個好似銅製船家在伐船... 有人在扮好熱....
其實佢係真人黎o架!!! 企係佢隔離睇到佢郁郁地﹐仲睇得出有呼吸的!!!
終於都去到花田喇!!! 係咪好靚咁呢???
明明上星期落大雨打大風﹐點解仲可以咁靚o架哩....
秘密就係....
umm...
佢應該係重新種過一D新o既上去格﹐此話何解?? 咪就係鏡頭背後o既花都爛晒o架囉!!!
終於去到茵特拉根喇....
左睇、右睇﹐都唔明點解哩間酒店房租要二千幾一晚﹐都唔知貴係邊樹....﹐又無墟、又無設施、點睇都唔似有會所添哩﹐所以唔會幫襯哩!!!
臨走﹐仲搵到條吊橋啊!!!
即係哩條o勒...
Comment：東部華僑城確係幾大同扮歐陸建築係幾似﹐不過人真係少同埋依然有濃厚o既國內味道﹐但... 如果為消磨一天時間都可以係一個幾Ok o既地方。不過o岩o岩先去完o既我﹐無番幾年光景﹐真係可以唔去住....
其他人到國內﹐總係會四圍找好東西吃﹐可是... 我們找的竟是... McDonald's與肯德基﹐皆因有些香港沒賣的產品可以在此找到。如...北京雞卷、椰子批、青芥鱈魚堡 etc etc... 天啊.... 椰子批滿有椰肉卻只是六蚊兩個啊!!!
