十一月尾喇﹐各大商場都出招粉飾個場﹐等人開始Feel 到聖誕氣息﹐其實算唔算早呢?? 我見好幾個商場都已經整好喇﹐但今日先係十一月二十二日。
哩個係海運近碼頭o既裝飾﹐雖然佢好似年年都差不多﹐但佢都係一大指標黎o架﹐如果連海運都唔落本﹐其他商場真係都可以唔駛整咯。
但映相o既人超多呀﹐我記得想當年試過十二月三十一日晚出黎映燈飾﹐攪到部相機o既袋跌在﹐一路番屋企一路喊﹐不過都事隔咁多年咯﹐當年媽媽部菲林相機都壞埋九年Lu‧‧我要搵日叫油麵拎佢部大玩具出黎映下相至得!!!
另一邊相﹐又一城o既聖誕樹都整好在喇。
係囉﹐都唔知點解今年無燈o既﹐昏昏暗暗咁﹐不過可能佢連射燈都未開啦﹐但真係唔明點解唔加D燈﹐聖誕氣氛會濃厚好多o架!!!
上年果棵靚得多添啦!!
http://hk.myblog.yahoo.com/siumak/article?mid=924&fid=-1&action=prev
等我有機會就行多幾個商場睇下佢地D裝飾先至得!!
以上相片由我部手提拍的﹐如覺懞查查請多多包涵。
