8 Week 4 Day - Baby 又扭計

咁大個女都未試過放咁多日病假的﹐好彩哩度係咖啡公司﹐如果係之前的驗貨公司我真係命都俾埋你。

今日係中秋節假﹐一起身就見到Baby 送俾我的中秋節大禮 - 血；因為要同 6299 飲茶﹐所以話完俾阿麵知﹐我地都照舊去飲茶﹐飲完先至去A&E﹐好似去A&E都唔急咁呀呵? 無法子啦﹐以免嚇親兩老﹐所以乖乖地飲埋茶先至去A&E。

去到A&E﹐分流後被Classify 係第三級：

第一級：危殆
第二級：危急
第三級：緊急
第四級：次緊急
第五級：非緊急

我諗除在由白車入院或有即時性命危險果D之後﹐應該就到我o架喇﹐我諗第五級就好可能係老爺果D明明超小事但都去急症果D人囉...

檢查算快﹐走都只係三點幾﹐醫生話... 『如果你唔安心﹐我都可以收你入院o既。』你咁講得﹐即係其實都唔大件事啦﹐咁我梗係揀番屋企啦﹐傻o架咩﹐就係因為咁﹐佢就發在張5日o既假紙我﹐咁大個女真係第一次﹐亦希望無第二次o既需要啦。

然後佢仲出在張Express 產檢o既期俾我﹐不過廣華係好頂癮的﹐我已經唔舒服﹐你仲可以叫我特登出黎排期o既?!?! 一係就接受Online﹐一係打電話啦癡線﹐好彩阿麵話聽日幫我去排﹐如果唔係我都唔知點去排期好。