幫傻哥執屋

星期六就過大禮喇﹐因為祖先位在爺爺以前住的那單位﹐亦即是傻哥宜家住緊o既地方﹐過大禮當日媽媽要去拜祖先﹐也許嫲嫲亦需前往﹐所以媽媽下令傻哥要清場!!!

 

 

點解要清場?! 大家有所不知喇.... 由於傻哥一個人獨霸單位﹐佢亦係無手尾之人﹐基於樣樣都一陣先o既性格﹐所以佢住果度o既混亂情況﹐如果10級係滿的話﹐佢都有7至8級o架喇﹐唔好話佢係10級﹐因為我相信香港比佢更混亂的大有人在(如拾荒的人啦....)﹐只是佢o既狀態已經到達在....  一個常人係唔會久留o既地步﹐邊有人D塵可以多到開出一條路的?! !!

 

 

尋日放工先去Facial﹐然後去奇華攪訂餅事宜﹐去『味道』同埋『珠珠島』睇過大禮用烈酒﹐然後番屋企﹐開門無耐飯都未食﹐媽媽就提我要幫傻哥清場﹐因為叫傻哥清即是無叫﹐佢係唔會郁的! 同埋今日媽媽找人來清潔﹐順便這位Auntie會幫手絕地清潔傻哥屋企﹐但我地需要先做o既係將大件垃圾『做低佢』!

 

 

食飽飯.... 碗都唔執就開始做o野﹐叫埋呆笨朗幫手﹐不過其實出手最多o既亦只有我﹐唉.... 有時真係覺得﹐點解好似樣樣o野都推落我度。

『掉! 』

『哩件仲有無用的?』

『無? 掉!』

『阿朗﹐掉哩舊出門口。』

『哩舊係咪可以做低的?!』

『幫我收在哩張檯佢』

『幫我抬走哩張櫈』

『阿朗幫我番屋企拎個吸塵機落黎』

 

 

以上對白尋晚不絕於耳﹐掃在兩個幾鐘﹐過在11點都仲係樹吸緊﹐將兩年幾以黎o既垃圾同塵都吸晒佢﹐你無睇錯﹐係兩年幾﹐因為今年年頭﹐傻哥無執屋過年﹐住隔離o既婆婆們真係多得我唔少﹐不過對唔住呀.... 我無辦法先至咁夜去開工的；因為媽媽連企係度都唔想﹐雖然執在兩個幾鐘﹐不過都有D要Auntie今日處理喔。

 

 

如果唔係因為我要結婚、過大禮﹐我相信我地會由得佢o既垃圾繼續.... 堆積﹐因為無手尾的話﹐係點執都無用的。