小墨的胡思亂想: 訂餅

2009年10月24日星期六

訂餅

今日再同小墨媽溝通訂唐餅事宜﹐然後她又在15/16究竟派幾多餅﹐俾我潤在佢一句：『阿Auntie話驚你派得肉酸係佢o既角度﹐我就覺得一D都唔失禮﹐唔通再有人同你講你起碼派五張唐餅先夠﹐你又聽佢Up喇喎?!』最好笑係.... 小墨媽連幾年前Auntie嫁女有無派唐餅俾佢都唔記得‧‧究竟Auntie係咪隨口Up當秘笈呢?! 無人知!

最後佢話做多好過做少﹐唉... 是旦你啦﹐快快手Off 在佢哩個Topic 唔好再煩﹐順便俾埋張目錄佢﹐叫佢自己揀點買法、買幾多﹐咪一陣話我Order在D佢唔o岩心水o既餅﹐又係度做黑白天鵝。佢揀完我再同佢講﹐o拿... 你自己揀呀﹐咪一陣又後兜話唔o岩心水﹐佢竟然話我上次買唐餅跟本無問佢喎! o丫.... 佢飲在失憶水呀?? 我咪連珠發炮咁話﹐上次我買卡之前一個星期差不多日日問一次﹐連入舖頭前都問多一次你都話無錯咋﹐又關我事... 豈有此理!! 為免夜長夢多﹐佢晏晝一講完﹐我傍晚就去訂餅﹐咪一陣又15/16﹐等佢訂在無得轉呀!