炎夏的海洋公園

按常理﹐小墨係唔會無啦啦去海洋公園的﹐特別係炎夏期間

﹐真係未熱過嗎???? 才不是啊﹐所以今天去海洋公園﹐也當然是有原因的﹐就係帶Carmen出巡海洋公園﹐一行11人浩浩蕩蕩去踩場。

 

 

預在今日熱得發瘋會無胃口食o野﹐大清早拉了Carmen、呆笨朗同油麵去食早餐﹐當然啊﹐點都叫食過o野嘛

﹐太熱唔想食好正常﹐食過早餐的都不用擔心啊!! 幸好我的決定是明智的﹐因為占占卻因為沒有吃早餐而差點暈倒。

 

 

踫巧是『夏水令』﹐在集古村這邊有很多人在玩水、玩泡﹐玩到一身都係~~

 

 

然後二話不說就去了滑浪飛船同唔知咩咩摩天輪﹐原打算分頭行事﹐分開排兩面隊﹐但可惜由於已經排得太久o既關係﹐我地都唔多好意思加人

﹐因為就像打尖一樣﹐所以用四人換四人了。但.... 呆笨朗玩完滑浪飛船後﹐未離船之際﹐因全面濕透﹐就用手一撥﹐眼鏡都掉進水中了﹐噢‧‧有人今天要做盲毛了。

第一張眼鏡還好端端的﹐但到第三張時﹐有人在懞懞的不知該如何是好。

 

 

雖然我地食在早餐﹐人大在就係人大在﹐已經提不起勁玩機動喇

﹐所以當Jimmy哥同阿立話要食午餐時﹐小墨二話不說話『食‧食‧食!!!』好彩有幾個同Carmen同Generation的陪佢慢慢玩﹐如果唔係要陪佢玩晒D機動真係會想死﹐想死o既係因為係炎夏中再排長龍﹐佢唔暈、我暈。

 

 

食過午餐後去了行『水母館』﹐其實水母 + 彩燈真係幾靚o架﹐最緊要係哩個館有冷氣嘛

﹐哈哈哈哈.....  行完然後Join回玩樂組﹐但Carmen硬說我們沒怎樣玩遊戲﹐要大伙兒一起玩跳樓機﹐啊.... 其實唔駛等啦﹐你鐘意就自己玩啦﹐因為‧‧‧我好驚o架!!!

 

[小墨玩跳樓機片段 upload中]

 

Carmen對海洋公園裡面o既精品非常有興趣

﹐但我叫她晚點再買﹐不用那麼早就拿著周圍走﹐但到離場時她也清醒說『還是不買了』

。在其中一家精品店﹐阿立幫熊貓和鱷魚擺Post 映相....

咬死了咬死了‧‧‧嘩....

 

 

要走了要走了﹐不知會否下雨﹐排隊撘纜車時才醒起我還沒有吃冰啊!! 油麵就去買了一杯!!!

全日最透心涼的東西﹐吃完舒服晒~~ 嘿嘿 

 

 

玩完一天差點累死了﹐但還是Carmen覺得好玩就是了。早知就叫佢地玩樂組自己來吧﹐我們飲食組就係行行企企食飯幾味~