師奶生活

雖說... 我只是回家稍事休息﹐生活並不是頹廢﹐只是... 打扮較為懶惰卻是不爭的是實。

 

 

以前雖不是天天花技招展﹐但總打理一下頭髮

﹐塊面都塗抹點點防曬、用那一個顏色的臉彩

﹐番工都會打量一下穿什麼衣服﹐這雙鞋子顏色對嗎?? 那個手袋像今天的 look。

 

 

可是現在﹐我天天就在家裡﹐洗衫、洗被、洗窗廉

(當然指我自己房果D啦﹐平時小墨媽邊敢攪我D o野﹐真係太亂了)

、執果一大堆唔知點處理才好的舊書、雜誌、廣告信﹐在家裡都不用出街﹐都不會打扮啦

﹐穿在家的休閒衫就好!! 落街嗎?? 換件T Shirt 穿條牛仔裙加雙拖鞋就出去了

﹐求期到不得了。有時晚上約朋友外出﹐看見有鞋幾靚喎

﹐都諗... 番工至買啦﹐隨時出D更靚的嘛。

 

 

其實我想講o既係﹐我終於明白

﹐一般全職家庭主婦﹐為什麼對打扮沒有要求﹐因為﹐佢地o既心態可能就係『無需要喎』

﹐省下一點是一點的道理。咁當然﹐我還未晉身『師奶』o既境地

﹐只是... 下次外出都要執得企理D至得!!! 話晒﹐我都係小姐黎o架嘛 

~~