繁簡之爭

今朝起身睇報紙﹐講到話有人誤會以為要取消繁體字﹐我初初睇都嚇一跳。N咁多年前番鄉下﹐一到大陸睇任何字都簡體﹐初初真係頭都暈埋

﹐咩字黎o架

﹐究竟D字講緊咩啊... 

 

不過我天資聰敏

﹐好快就開始估到究竟係咩字﹐但都奇怪﹐以為係佢地特別懶所以寫字寫簡體咁咪快D囉﹐因為當時對國內o既人唔了解

﹐以為佢地寫簡體係因為唔想寫咁多筆畫

﹐以為香港人勤力D。我亦有戴在有色眼鏡去睇佢地

﹐覺得香港人有優越感、用o既o野In D、新D、型D﹐好似樣樣o野都叻D。(我真係大錯特錯啊!! 

)

 

 

猶記得第一次番去﹐什麼.... 無雪櫃??

咁D餸食唔晒點算?? 什麼?? 無電話

?? 咁點搵人o架?? 什麼?? 無電視?? 咁夜晚你眼望我眼係屋企有咩做啊?? 什麼?? 點解... 點解D飯有黑黑地色o架??

(D米唔靚係咁o架喇。) 所以我第一晚係鄉下直頭喊在出黎

﹐同阿『女麻』講﹐『我想番屋企啊。』咁當然﹐鄉下即係鄉下﹐你估旺角落尖沙咀咩﹐當然無得番屋企啦﹐所以果晚無咩好做﹐早早就訓覺

﹐雖然訓唔著仲不停俾蚊咬。當年o既我8歲。事隔咁多年﹐我終於知道原來簡體字同繁體字係完全唔關佢地勤力定係懶o既事

﹐同埋佢地當年無電器亦都係因為國內未開放所以佢地發展慢

﹐人民收入跟本就低﹐邊有閒錢買電器o丫。

 

事隔多年﹐我都算識睇好多簡體字﹐不過我都好驚有一日要廢除繁體字

﹐一來因為由細到大都係繁體字人﹐二來... 你唔覺得繁體字靚D麼?? 哈哈....