攪到我唔敢去旺角啦。
上星期途經時已經夠擔心喇﹐點敢好似以前咁大大步係旺角行哩。
今晚事件發生o既時候﹐我正正就係事發地點o既隔離條街﹐睇住兩架聖約翰救傷車轉入事發地點﹐我同麵都已經覺得.... 哎o也.... 係咪又發生呀﹐然後再見到有疑似記者o既人衝入事發地點﹐基本上我地都可以好肯定Lu~ 最後番到屋企就聽到收音機佈告添喇。
真係唔係好敢行旺角呀﹐希望警方盡快捉到果個人啦。
2009年6月7日 星期日
2009年6月6日 星期六
Wedding Expo - Jun 2009
由於有免費飛﹐所以我地今日又去在Expo喇。其實我地大婚o既o野差不多全部o野都Book晒啦﹐係未買唐餅囉﹐不過我有聘珍俾我果張奇華八折卡﹐既然係Expo折扣一樣﹐咁我就唔駛係Expo排隊o勒。
今次係會展新翼整好之後o既第一次Wedding Expo﹐個Hall 確係比以前大﹐不過唔知係咪因為主辦單位唔識安排新場地﹐攪到D參展商好似擺到亂晒大龍咁。首先我係拎住Invitation Card﹐去Counter換飛﹐不過原來唔單止新婚會﹐仲有另一個會都有免費飛派﹐另再加一個Booth係for新Join Membership o既人排隊﹐即係未入場已經有三個Booth。然後要搵番我地係邊一間公司Invite﹐就要行番佢地入口﹐入場時佢只係用Meter計有幾多人入場﹐但就無收飛囉﹐我諗聽日拎住去多一次都無問題。
入場例牌大量台灣參展商沿途叫我地停低睇下佢地o既作品﹐當然係全部都唔睇啦﹐不過台灣的商人比較有禮貌﹐佢地全部都會恭喜我地然後先至行開﹐但香港果D就一DD啦﹐有D會目無表情咁即刻唔再將佢地o既對白唸下去。
其實今日去目的都係想睇下羅浮宮D 衫﹐就揀衫啦嘛﹐雖然‧‧D網友話D新款應該都唔關我事o架喇；另外我地去在Match Frame打個招呼啦﹐Jessica同Janet都好忙咁Sell 緊客﹐Kanas同我地傾在幾句啦﹐同埋我終於可以同Mic打個招呼 + 講『麻煩晒你執相喎』哩。
前後睇在France Bridal﹐同埋主台﹐主台睇在兩間﹐係Princess同埋星光大道﹐星光大道原來係黎自上海o架!
先睇Princess...
再睇星光大道...
就當我歧視啦﹐星光大道果D一睇就覺極重o既國內味道﹐我.... 接受唔到囉。
行完撘船番尖沙咀﹐仲同阿麵Share一個麵先至番屋企哩... 好攰呀~~
2009年6月3日 星期三
婚宴籌備敏感症
睇到Blog友的日誌﹐好想回應一下哩。我哩篇黎自Tammy﹐而我估Tammy果篇係黎自一位叫Addy的無飯太太﹐因為佢果篇係無Refer 出處o架。
以下High Light 在o既部份為Quote：
由籌備婚禮開始，我睇親電視、雜誌見到任何女明星著婚紗，或者所有同婚禮有關0既事物都會特別敏感～
我稱呢種病症為：婚禮籌備敏感症～
患者---通常係準新娘子，準新郎大都幸免～不過有部份準新郎會患有婚禮籌備冷淡症，hahahaha
婚禮籌備敏感症0既患者通常會出現以下症狀：
1. 患病初期---開始購買新婚通訊、Wedding、Jessica Wedding．．．通常都唔止買一期，每月更加唔會買一本咁少！當旁人（尤其男友）發現病徵，出口勸阻
內心os：我夠知廣告多，成本電話簿咁厚啦，但我聽到有把聲叫我拎去櫃面比＄，我真係忍唔到手唔買ar ma～
2. 患病中期---隨著科技發達，準新娘子會日日寫blog／睇blog為樂～此病徵通常於office發作～或者係同一眾好姊妹講電話，傾婚紗、傾佈置、傾化妝．．．
3. 患病末期---已經陷入發癲狀態，因為發現時間所剩無多，仲有好多野未confirm、未買、未問人、未DIY～
其實上面哩個Case我相信都真係好寫照啦﹐但唔係我啦﹐嚴格黎講我都只係一部份而已。
病徵一：我有買﹐每月一本啦﹐但我戒晒『東方新地』、『東週刊』、『忽然一週』喎﹐計落﹐仲抵啦!! 況且阿麵都無阻止。
病徵二：哩個有一部份由一開始已經發作在啦﹐日日睇人Blog﹐初初唔識睇ESD﹐後尾學識在﹐就不停ESD﹐並已升格為病態網民添!! 定必有腦就開﹐不過... 有時都睇下淘寶或Yahoo Auction o既﹐同埋我所有o野都好好同阿麵溝通o架﹐所有o野都有商有量﹐一定無凌駕於佢o既認同之上喎。
病徵三：咪攪﹐我好怕DIY﹐唯一有機會可以考慮o既只會係簽名筆﹐不過簽名筆咁粗﹐其實好唔好拎黎簽o架哩?!?!
其實我本身係本著唔需要就唔做o既心態﹐因為我最怕o既係當Project完成前﹐樣樣o野都怕『夠唔夠呢』?!!? 然後購買大量 + Spare擺係屋企!! 又或Project完成後﹐果D物資多到哩... 都唔知點處理好﹐所以越攪得少就越好。不過‧‧唔知我會唔會整整下都越來越多o野呢‧‧‧
2009年6月2日 星期二
姊妹裙
老實說﹐我真的不是一個好學生﹐我往往都係做『臨急抱佛腳』的人﹐所以一早知道並不是讀書的材料﹐卻常常喝望自己其實好有書緣﹐哇卡卡.... 講在咁耐﹐就係想講﹐其實我哩期雖然美其名溫書﹐卻經常有上網睇下D 結婚o野﹐哩期﹐特別係姊妹裙。
其實都睇過下市面上﹐租同買o既分別﹐其實就係‧‧無咩分別﹐除在租果個係我Big Day後我地唔駛再諗點處置條裙之外﹐無論價錢、款式、質地都係差不多。市面上有D姊妹裙好平﹐But.... 好薄囉.... 薄到好似番學年代果陣 D底裙咁﹐太唔安全喇個感覺﹐由於我唔鐘意o既關係﹐所以太薄o既質地我係唔會買格!!! 另外亦有朋友仔推介上大陸做﹐er... 我亦太懶番大陸喇﹐所以﹐係香港買o既機會率係達95%!!! 另一個Concern就係好希望搵到可以著完果日後﹐佢地平時都用得o既裙﹐但基本上我覺得都唔駛諗喇﹐做得姊妹裙o既﹐其實平時唔會點用得番﹐唯一用得番o既情況就係大家再要做姊妹之時。
去過幾間網上面勁多人講o既店﹐但睇完都係覺得麻麻地﹐其實早前我曾經去過上年高比結婚時我買姊妹裙果間﹐佢地宜家變在樓上舖﹐本來我都屬意係果度買﹐但後黎又突然係街睇到另一間覺得 Ok 的﹐所以一日未confirm﹐一日都唔作準哩。同埋最近如果大家都有睇廣告的話﹐應該有留意Tempo蘋果木香味Tissues的廣告﹐我好鐘意果D女仔著o既衫款呀﹐同埋好想揀果個色﹐但果個色並唔係市面上一般o既金色、白色or 粉紅色﹐而係似咖啡味雪糕的色﹐如果有人知道邊度到有哩D款 or 哩D色﹐麻煩通知一下我o丫﹐我覺得哩隻真係唔錯。
2009年6月1日 星期一
無聊的Restaurant City
無啦啦﹐成日掛住玩Restaurant City﹐其實都唔係好駛點玩﹐開住佢﹐由得佢地自己行、自己走、自己煮飯、自己送餐﹐除在到咁上下時間餵下飯就唔駛理佢。其實都唔知有咩好玩﹐只知開住佢﹐就可以了。
唔知幾時會停止哩個玩意哩‧‧‧
訂閱：
文章 (Atom)