海洋公園 - 十月全城哈囉喂

尋日就係BV哈囉喂o既大日子﹐我地一行二十人浩浩蕩蕩一齊踩場

﹐不過... 天啊... 好多人o架哩~~~ 不過我地團隊之中有人遲到﹐變了左等等、右接接。

 

 

一入場已經塞到水洩不通﹐有好多人行來行去﹐我地好快就決定移步去山頂果邊玩﹐因為ar mui 聽Chocolate講﹐果邊D o野好玩D

﹐所以好快就等纜車走頭啦﹐點知都一樣咁多人﹐行在無幾耐﹐就聽到有工作人員拎住大聲公在叫『登山纜車須等120分鐘』。哇...

唔係化、咪玩啦﹐等到120分鐘黎﹐我地今晚都唔駛玩啦﹐不過我地都要硬住頭皮上﹐因為無理由唔去果邊o架嘛﹐所以我地一路行 路玩﹐沿途都有好多扮鬼o既人走埋黎嚇我地﹐第一個中招o既係麼麼﹐佢直頭嚇到狂叫不停

﹐真係前前後後o既人都俾佢嚇親(無錯﹐係佢嚇親人至o岩。) 不過最後纜車等在唔駛一個鐘頭。

 

 

其中一個扮鬼o既人

﹐咪睇佢背面咁正常﹐正面化晒妝

﹐有刀巴係面o架!!

 

 

行行下阿陳生拎在人地擺係草叢o既骷髏骨來玩‧‧‧個食蕉叔叔係度頭fing fing

話我地咁都好拎黎玩﹐haha...

 

 

你睇哩個南瓜頭﹐哎唷... 南瓜頭其實好可愛o架哩~~

 

不過我地有一半人係九點幾已經先行離場﹐有D因為攰、有D因為驚、有D因為怕排隊﹐但我地有六個就留低﹐因為我地其實都仲想玩o下添﹐反正都黎到啦﹐玩多個零兩個鐘都差不多了﹐攰... 都豪埋俾佢先啦!!!

 

 

佢地走在之後﹐我地去在最想玩果個『冥通大靈堂』﹐睇指示牌最多去到120分鐘果個位﹐但仲要向上行好遠﹐o丫.... 不過喎﹐又算幾快手﹐我地一路行行行﹐唔駛10分鐘已經落到120分鐘果個牌﹐後尾我地總共用在大約45分鐘﹐就排晒隊 + 玩埋添Lu﹐我地仲大大聲講﹐個牌原來係假o架

﹐哈哈...

 

 

不過... 佢張海報仲驚嚇

過佢個game囉。

 

而最有心思o既係最後玩o既『東瀛凶間』﹐佢連地下o既行路感覺都照顧埋﹐其中一到仲有水o即出黎﹐Ling Ling條褲濕晒

﹐哈哈... 不過.. 到我地玩到成十一點半打後﹐發現扮鬼o既人都疏落在﹐同埋佢地o既反應都開始慢幾拍了﹐可能佢地做足一晚﹐唔攰至怪啦。

 

 

佢都幾得意o既﹐不過真係好多、好多、好多人

﹐行到腳都跛啦!! 同埋有D o野好似度度都一樣﹐所以今年玩完一次﹐下年唔駛再黎都得Lu

﹐玩過就算喇嘛~~~

嘆茶的下午

星期二Last Day後﹐成日都以為我既下午係會非常無聊﹐但原來『以為』同『事實』都真係打對台o架喎!!

 

 

星期三俾小墨媽拉了去深圳。(記住... 係星期三﹐即放假後的第一天。我都覺得動作快了 點點...)

星期四番去公司附近吃我的散水午餐

。然後去了買書；夜晚去了Red Cross。

星期五去了同Lawrence食晏(我終於見到老細了

)﹐順道俾埋哈囉喂D飛阿Joe(我先後次序好似調轉在﹐哈哈...﹐其實係拎飛俾阿Joe所以順便同Lawrence食Lunch至o岩)。下午PY因為公司搬Office而可以停工半日﹐我地兩個去了Shopping同埋嘆茶。

 

 

哈哈.. 真係估唔到原來待業中都咁多攪作。不過可能係初期咁就好似多D o野攪﹐可能遲下無咁多的了。

 

 

果日同PY行街﹐心思思了買『菇池』條電話繩﹐想很久的了﹐Yeah Yeah﹐買了買了... 比我預期中平了一點點﹐所以嘻嘻...

 

其實當人地番緊工﹐搏殺緊而我地嘆緊茶﹐真係偷得浮生半日閒啊...

(你地唔好丙我啊

﹐我唔係潤你地啊﹐你地番工有人工﹐我待業仲要洗錢添哇!!! 其實好可憐至o岩哩!!)

點解我唔得?

真可憐... 三人結伴去捐血﹐只有兩人成功﹐一人失敗﹐說是血色素不足﹐所以不合格。

 

 

天啊~~

 其實最想捐o既就係唔合格o既哩個人‧‧我啊~~

 

 

明明填好表﹐拎好籌‧‧

點知到checking o既時候... 天啊... 竟然話我今日不適合

﹐明明佢兩個仲唔夠訓過我啦﹐點解會咁o架...

 

 

不過﹐錯有錯著﹐我擺明係一個攝影師、同埋陪坐一樣﹐輪住黎陪mon mon同La La。仲幫佢地映晒相添啊~~ 不過我自己就飲恨喇~~

 

 

La La一路捐﹐一路嘰呱鬼叫﹐咁我第一次果陣都超驚!!!

 

 

今日捐血站D Staff 幾nice 喎... 仲送在幾隻紀念品俾我地哩!! 上次果D都nice﹐不過今次哩D好易話為!! hehee...

深圳按摩之旅

就即係咁﹐我不嬲都知係深圳做按摩比香港平﹐不過我哩個九龍人又唔係好願意成日山長水遠過關咁樣去按摩

﹐仲要第二日要番工喎﹐所以... Jimmy哥、Jimmy媽同小墨媽經常按到半夜三更o既活動我從未參加過。

 

 

不過... 由於由今日開始﹐小墨變了『待業』之友

﹐時間就從容好多﹐小墨媽係小墨尋日放工番屋企﹐手袋都未放低就問：『家姐﹐聽日同你上深圳o丫??』本來都唔多想去住﹐不過見阿媽興致勃勃﹐如果今日唔去﹐可能要等我外遊埋先至得閒去哇﹐所以今日都係去在深圳哩。

 

 

十一點幾係屋企出發﹐行黃崗到深圳大約點幾啦﹐去在飲茶

﹐食完晏點知我媽無啦啦話要買厠所擦(有無攪錯... 行咁遠買厠所擦?!?!)

仲要一直搵唔到佢講果D什麼玫瑰花定太陽花款喎﹐唉... 雖然唔係真係好遠﹐不過我完全無預過行街﹐所以係有點點唔耐煩；後尾到佢搵到喇﹐車... 我就覺得唔靚o勒﹐不過小墨媽話好靚喎...

 

 

行完一大輪﹐佢終於都肯行去間按摩舖到﹐入門口唔知頭唔知路﹐俾我媽將我點來點去

﹐好彩我後來跟住舅母行啦。沖好涼、入去佢地個廳度﹐坐落張Sofa度﹐嘩‧‧張Sofa好鬼舒服啊...

如果屋企都可以放一張就好喇。

 

 

試後感：

環境係好舒服o既﹐不過果位小姐o既手勢就有待改善喇

﹐我地選擇o既係一個treatment形式o既Pkg(係果度黎講算係貴o野)

﹐除在按摩之外仲有熱石 + 磨沙 + 一個身體部份o既減肥

﹐咁佢都仲有D其他o既組合o既﹐不過我就選哩幾種囉。不過個磨沙唔知係咪乾得滯定佢真係大力得滯

﹐覺得如果佢輕手D或加多D水會好好多囉。

 

不過都Ok o丫﹐如果唔係Jimmy媽同小墨媽打算趕番來去144﹐我諗﹐我仲會做多一個項目﹐按頭一part﹐哈哈...

我在這公司的最後一個工作天

話咁快就過在一個月喇﹐今日係我最後一日係哩間公司番工。o野都執晒Lu﹐唯有mon mon聽日幫我手check check﹐今日要拎番屋企o既就只有我的Garfield鐘、水杯、Snoopy月曆、茶葉。

 

 

係哩間公司七年幾﹐有好多事都仲好似係尋日發生o既一樣﹐回想起第一日係上環番工﹐呆頭呆腦的﹐初初仲驚會唔請﹐因為當時o既年紀並不合老闆心水﹐不過多得今日o既崔太幫忙﹐老闆才用我；仲記得我o既上手叫Hazel﹐當日佢形容到哩度D人好衰﹐咁當然我唔會盡信啦﹐因為我自己都有兩個好朋友已經係度番緊工﹐但無疑佢離開在之後我真係有D驚o架﹐好彩Doris都俾時間我﹐仲有其他同事o既幫手﹐所以都好快習慣在；當時覺得好攪笑﹐老闆黃昏就會將已經收在工o既同事附近o既燈熄晒﹐我明白佢係唔想浪費﹐不過對於我地未放工o既同事黎講﹐就會工作心情打了折扣。不過‧‧上環office真係我工作咁多年以來最鐘意o既﹐因為所有人、同例都係最正常o既。

 

 

到葵涌﹐突然要同一大班男同事打交道﹐真係有點無所適從﹐因為佢地係永遠都唔放假格﹐一聽佢地竟然累積到三、四十日假﹐我真係覺得哩班人好唔正常﹐邊有可能唔放假、唔Filing、任何事都cc 到全世界都知﹐明明申請在放假但竟然Full Day留係Office﹐仲要唔會Cancel番D假﹐話『是但』喎﹐係我腦入面哩一班都係怪人。然而﹐溝通得一輪o既時候發現﹐其實佢地都係唔想變姐﹐又無人指導、又無時間研究﹐所以先至落得如此下場﹐其實佢地聽到我地哩班女子安排放假﹐佢地真係流到一地都口水。我地都好努力咁唔想分黨分派﹐最後我地全部又要流落異鄉‧‧九龍灣。

 

 

到在九龍灣先開始我地o既黑暗歲月﹐要自己一腳踼﹐自己諗辦法做好D o野﹐唔知老闆鐘唔鐘意﹐只要我鐘意又make sense﹐誰說不可以。諗番轉頭﹐自己都好惡o架﹐連星空都話當年我好恐怖、唔敢向我問o野﹐唉.. 一轉眼咁多年喇﹐雖然黑暗﹐但明確地﹐我都得o既﹐所以到在今時今日﹐就算我有什麼不著我都不管了﹐不是我不成哩... 有時有D o野要配合天時地利人和o既。

 

 

其實係咁多年o既BV生涯﹐睇到o既o野實在太多喇；仲有一大班識埋o既好朋友﹐不過.. 大部份都走得七七八八了﹐剩下來的要努力喇。我不是賣口乖﹐我最不捨得的係La La Fung﹐唔知點解﹐人人都覺得我同佢好似﹐今日係HR﹐連佢地都講錯在﹐以為我係花拉﹐no la.. 你地唔好再攪錯啦﹐La La Fung同祖安Fung﹐係兩個唔同o既人黎o架﹐雖然... 我地入職日期只係相差3星期。La La﹐我地要分道揚鑣喇﹐無得日日同你閒聊了。

 

 

仲在位o既同事﹐我攰了﹐我先回家了﹐你地加油喇!!

自我按腳後的意外得著

我的大細腳與5號6號腳的問題不住的煩我﹐每每想買鞋時思想都比別人多；鞋子穿的不舒服與牙痛一樣﹐慘過大病!!

 

 

早幾天﹐就是跟Dallas玩的那天﹐後來我到了PY家裡稍是休息

﹐PY推介給我知﹐用按摩油按膝蓋﹐可減輕雙腳o既壓力、促進血液運行

；昨天我忍不住的買了一支按摩油回家給自己按腳。

都唔知關唔關事﹐尋晚先按膝蓋﹐然後又搽在D係腳板﹐今日竟然著鞋時一D都無整損腳﹐真係好意外啊~~~

仲著鞋著得好輕鬆﹐真係估唔到啊!!

 

 

悟.. 所以我覺得﹐就算你地無我哩個麻煩腳板o既問題﹐你地都考慮一下﹐日日都幫自己隻腳按下啦﹐有益啊~~